قاڭتار وقيعاسىنا قاتىستى 1396 ادام سوتتالعان

قازاقستان رەسپۋبليكاسى باس پروكۋراتۋراسىنىڭ مالىمەتىنشە، 2022 جىلعى قاڭتار وقيعاسى ءۇشىن 1396 ادام سوتتالعان، دەپ حابارلايدى "ادىرنا" ۇلتتىق پورتالى.

«قاڭتار وقيعاسىن تەرگەپ-تەكسەرۋگە جۇمىستارى ءالى جالعاسىپ جاتقانىن حابارلايمىز، سوندىقتان قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 201-بابىنىڭ تالاپتارىنا سايكەس اقپارات جاريا ەتىلمەيدى. وسى وقيعالارعا قاتىستىلىعى تۋرالى جەتكىلىكتى دالەلدەر الىنعان تۇلعالار قىلمىستىق جاۋاپكەرشىلىككە تارتىلىپ، بۇگىنگى كۇنگە دەيىن 1396 ادام سوتتالدى»، - دەپ حابارلادى باس پروكۋراتۋرا. جاپپاي تارتىپسىزدىكتەرگە قاتىسقانى جانە ۇيىمداستىرعانى ءۇشىن 574 ادام، ونىڭ 12-ءسى جاپپاي تارتىپسىزدىكتى ۇيىمداستىرعانى ءۇشىن سوتتالدى. سونداي-اق دەپارتامەنت قايعىلى وقيعالار اياسىندا 2960 قارۋ ۇرلانعانىن، ونىڭ 1 مىڭنان استامى تابىلعانىن، قالعان قارۋ-جاراق ءالى ىزدەستىرىلىپ جاتقانىن حابارلادى.

"ادىرنا" ۇلتتىق پورتالى