رەسپۋبليكالىق ماڭىزى بار بىرنەشە اۆتوجولدى سۋ باسقان

رەسپۋبليكالىق ماڭىزى بار اۆتوجولداردى سۋ شايىپ كەتكەن، دەپ حابارلايدى “ادىرنا” ءتىلشىسى baq.kz-كە سىلتەپ.

7 ساۋىردە ساعات 9.00-دەگى جاعداي بويىنشا قازاقستاننىڭ 5 وڭىرىندە حالىقارالىق جانە رەسپۋبليكالىق ماڭىزى بار 9 اۆتوجولدا جالپى ۇزىندىعى 2855 كم. جول بولىگىن سۋ باسۋ فاكتىلەرى تىركەلگەن.

اقمولا وبلىسىندا 4 ساۋىردە «ماكينسك-اقسۋ-تورعاي» اۆتوجولىن سۋ شايىپ كەتتى.

ال اتىراۋ وبلىسىندا «دوسسور-قۇلسارى-سايوتەس-شەتپە-جەتىباي-اقتاۋ» باعىتىن سۋ باسقان.

قوستاناي وبلىسىندا «مارينوۆكا اۋىلىنا كىرەبەرىس» اۆتوجولدارى (0-9 كم، ەنى100 م، بيىكتىگى40 سم), «قارابۇتاق-كومسومولسكوە-دەنيسوۆكا-رۋدنىي-قوستاناي» 253-254 كم، «مامليۋتكا-قوستاناي» 294 كم، «قوستاناي-جاقسى» — «قارابۇتاك-قوستاناي» 4 كم، قوستاناي قالاسىنىڭ قاسىندا جولدا سۋ تاسقىنى تىركەلگەن. ودان بولەك، پاۆلودار وبلىسىندا «اتامەكەن-ەرتىس-رۋسسكايا پوليانا-رف شەكاراسى» ا/ج 226-227 كم بولسا، سولتۇستىك قازاقستان وبلىسىندا «روششينسكوە-كورنەەۆكا-ۆولوشينكا» 34 كم سۋ شايعانى انىقتالدى. رەسپۋبليكالىق ماڭىزى بار اۆتوجولداردا 297 بىرلىك تەحنيكا جانە 385 ادام جۇمىلدىرىلعان.