ۇكىمەت بەلگىلەگەن وڭىرلەرگە قونىس اۋدارعان قازاقستاندىقتار ەگىن شارۋاشىلىعى ءۇشىن جەر تەلىمدەرىن الا الادى. قونىس اۋدارىلعاندار مەن ولاردىڭ وتباسى مۇشەلەرىنە قارجىلاي كومەك كورسەتىلەدى: قونىس اۋدارۋعا سۋبسيديالار، جالعا الۋ شىعىندارىن وتەۋ، كوممۋنالدىق تولەمدەر، ەكونوميكالىق ۇتقىرلىق سەرتيفيكاتتارى بەرىلەدى.
زاڭنامادا قازاقستان ازاماتتىعىنا قابىلداۋدان باس تارتۋدىڭ جانە قالپىنا كەلتىرۋدىڭ جاڭا نەگىزدەرى ەنگىزىلگەن. بۇل كامەلەتكە تولماعانداردىڭ جىنىستىق قول سۇعىلماۋىنا قارسى قىلمىستار جاساۋ، مەملەكەتتىك ءتىلدى باستاۋىش دەڭگەيدە بىلمەۋ، قازاقستان كونستيتۋتسياسىنىڭ نەگىزدەرىن، قازاقستان تاريحىن عىلىم سالاسىنداعى ۋاكىلەتتى ورگان ايقىنداعان كولەمدە بىلمەۋ.
سونداي-اق كوپ مارتەلىك ينۆەستور ۆيزاسى جانە سۇرانىسى جوعارى ماماندىق يەلەرىنە ارنالعان ۆيزا ەنگىزىلدى. بۇل ۆيزالار قازاقستاندا تۇراقتى تۇرۋعا رۇقسات الۋ قۇقىعىن بەرەدى.
