ازەربايجان پرەزيدەنتى يلحام اليەۆ VI شاقىرىلىمداعى ميللي مەدجليستى تاراتۋ جانە ازەربايجاندا كەزەكتەن تىس پارلامەنت سايلاۋىن تاعايىنداۋ تۋرالى جارلىققا قول قويدى. بۇل تۋرالى Report باسىلىمى مالىمدەدى، دەپ حابارلايدى “ادىرنا” ۇلتتىق پورتالى.
مالىمەتكە سايكەس، 21 ماۋسىمدا وتكەن پارلامەنتتىڭ پلەنارلىق وتىرىسىندا ميللي مەدجليس پرەزيدەنتكە كەزەكتەن تىس پارلامەنتتىك سايلاۋ تاعايىنداۋ تۋرالى ۇسىنىس جولداعان. وعان 105 دەپۋتات قولداپ داۋىس بەرگەن، قارسى - 1 داۋىس.
27 ماۋسىمدا كونستيتۋتسيالىق سوت پلەنۋمىنىڭ وتىرىسىندا ميللي مەدجليستى تاراتۋ جانە كەزەكتەن تىس سايلاۋدى تاعايىنداۋ كونستيتۋتسياعا سايكەستىگى تۋرالى قاۋلى قابىلداندى.
مەملەكەت باسشىسىنىڭ وكىمىنە سايكەس، كەزەكتەن تىس پارلامەنت سايلاۋى 2024 جىلدىڭ 1 قىركۇيەگىنە بەلگىلەنگەن.
ۇقساس جاڭالىقتار
