بالانىڭ اتا-اناعا قامقورلىعى تاماق بەرىپ، كۇتىم جاساۋ ۇعىمىنىڭ توڭىرەگىندە عانا بولماۋى كەرەك. ول - وتە تومەن ۇعىم. بالانىڭ اكە-شەشەگە قامقورلىعى ۇعىمىن تەرەڭ تۇسىنگەن ابزال.
پەرزەنتىڭنىڭ ەلگە پايداسى ءتيىپ، ابىرويلى بولسا، ار-ۇياتىن ساقتاپ اۋلەتكە ءسوز كەلتىرمەسە – مىنە، پەرزەنتتىڭ اتا-بابا جولىنا ادالدىعى، قامقورلىعى وسى. ال اكە-شەشەنى كيىندىرۋ، تاماعىن بەرۋ، كۇتىمىن جاساۋ، قاراجات تاۋىپ، اسىراۋ دەگەن قارابايىر ۇعىم. ول بالانىڭ اتا-اناسى الدىندا اتقارار تابيعي مىندەتى. سوعان عانا بايلانىپ قالماۋ كەرەك.
اكەنىڭ بالانى اسىراۋى – پەرزەنتىنىڭ بويىنا ىزگىلىك ءدانىن ەگىپ، ەل مەن جەردىڭ ناعىز ازاماتى بولىپ قالىپتاسۋىنا ەڭبەك ءسىڭىرۋى. ال بالانىڭ اكەنى اسىراۋى – پەرزەنتتىڭ ءوز ورتاسىندا ءتۇزۋ ءجۇرىپ، ادالدىق تۋىن جىقپاۋى، ادامي قاسيەتتەردى بيىك ۇستاۋى، ابىرويلى بولۋى.
جالپى ەۆوليۋتسيا نەنى تالاپ ەتەدى؟ كەيىنگى ۇرپاقتىڭ مىقتىراق بولۋى تابيعات زاڭى. ءوسۋ بار بولعاندا عانا ەۆوليۋتسيالىق دامۋ بار. سوندىقتان دا بالا ءاردايىم اكەسىنەن وزىق بولۋى ءتيىس.
ۇرپاق جالعاستىعى، ەۆوليۋتسيانىڭ باستى قاعيداسى كەيىنگى ۇرپاقتىڭ مەنەن الدەقايدا مىقتى بولۋىندا.
Toregeldy Sharmanov
ۇقساس جاڭالىقتار
