مەملەكەت باسشىسى وتكەن جىلى 1 قىركۇيەكتە حالىققا جولداۋ جاساپ، بىرقاتار ماڭىزدى جۇمىستار تۋرالى بولىسكەن، دەپ حابارلايدى “ادىرنا” ۇلتتىق پورتالى.
پرەزيدەنت قاسىم-جومارت توقاەۆتىڭ 2023 جىلعى 1 قىركۇيەكتەگى «ادىلەتتى قازاقستاننىڭ ەكونوميكالىق باعدارى» اتتى قازاقستان حالقىنا جولداۋىنان:
«ەلەكتر قۋاتى، جىلۋ جانە سۋ – تۇرمىسقا اسا قاجەتتى يگىلىكتەر. ونى ۇنەمدەپ پايدالانۋ كەرەك. بۇل جاڭا تۇرمىستىق مادەنيەتكە اينالۋى قاجەت. جالپى، بۇل – ءۇي شارۋاسىنا عانا ەمەس، تۇتاس ەكونوميكاعا ورتاق تالاپ. قازىر سۋدى وڭدى-سولدى پايدالانۋعا مۇلدە بولمايدى. ۇكىمەت ەنەرگەتيكالىق تيىمدىلىك ساياساتىن تۇبەگەيلى قايتا قاراۋعا ءتيىس. وندا ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارى ەسكەرىلۋى كەرەك»، - دەگەن بولاتىن.
جولداۋ اياسىندا كوممەرتسيالىق وبەكتىلەر بويىنشا ەنەرگيا تۇتىنۋ نورماتيۆتەرى بۇيرىعىنىڭ جوباسى ازىرلەندى. ال ونى قابىلداۋ كوممەرتسيالىق كاسىپورىندار ءۇشىن بەلگىلەنگەن نورماتيۆتەردى ساقتاۋ ءۇشىن وبەكتىلەردى جاڭعىرتۋدى جۇرگىزۋگە ىنتالاندىرۋشى اسەر ەتەدى.
