ماڭعىستاۋدا تۇپقاراعان اۋدانىنىڭ پوليتسيا ءبولىمى باستىعىنىڭ مىندەتىن اتقارۋشى جاۋاپقا تارتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى ماڭعىستاۋ وبلىسى پروكۋراتۋراسىنىڭ ءباسپاسوز قىزمەتى مالىمدەدى.
سونىمەن قاتار پروكۋروردىڭ تالابىنان كەيىن پوليتسيا باستىعىنىڭ زاڭسىز بەرىلگەن رۇقساتتارىنىڭ كۇشى جويىلىپ، 4 قارۋ تاركىلەندى."تۇپقاراعان اۋدانىنىڭ پوليتسيا ءبولىمى باستىعىنىڭ م.ا. قاداعالاۋ ورگانىنىڭ اكتىسىن ۋاقتىلى قاراماعانى ءۇشىن ماڭعىستاۋ وبلىسى پوليتسيا دەپارتامەنتى باستىعىنىڭ بۇيرىعىمەن تارتىپتىك جاۋاپتىلىققا تارتىلدى. ازاماتتىق قارۋدى ساتىپ الۋعا رۇقسات بەرۋ كەزىندە پروكۋرورلار زاڭ بۇزۋشىلىقتاردى انىقتادى، ياعني رۇقساتتاردى، دەنساۋلىققا قاساقانا جەڭىل زيان كەلتىرۋ جانە تۇرمىستىق زورلىق-زومبىلىق جاساعانى ءۇشىن اكىمشىلىك جاۋاپقا تارتىلعان تۇلعالاردىڭ العانى بەلگىلى بولدى. اتالعان زاڭ بۇزۋشىلىقتاردى جويۋ ماقساتىندا تۇپقاراعان اۋدانىنىڭ پوليتسيا بولىمىنە ۇسىنۋ ەنگىزىلىپ، زاڭدا بەلگىلەنگەن ءبىر اي مەرزىمدە قارالماعان. وسىعان بايلانىستى پوليتسيا ءبولىمىنىڭ باسشىلىعىنا قاتىستى تارتىپتىك ءىس قوزعالدى", - دەلىنگەن حابارلامادا.
