پاكىستان قارۋلى كۇشتەرى ۇندىستانعا جاۋاپ رەتىندە اۋقىمدى اسكەري وپەراتسيا باستادى، دەپ حابارلايدى “ادىرنا” ۇلتتىق پورتالى Geo TV-عا سىلتەمە جاساپ.
پاكىستاننىڭ سىرتقى ىستەر ءمينيسترى يسحاق دار سوڭعى ءۇش كۇن ىشىندە ءۇندىستاننىڭ بىرقاتار اسكەري ارەكەتتەرىنە قاراماستان، پاكىستان شيەلەنىستى ۋشىقتىرماۋعا تىرىسقانىن ايتتى.
ء“ۇندىستان بىرنەشە مارتە ءبىزدىڭ ەلگە شابۋىل جاسالدى دەپ ايىپ تاقتى. بۇگىنگى وپەراتسيا – پاكىستان تاراپىنان العاشقى شابۋىل. نيۋ-دەلي حالىقارالىق قاۋىمداستىق الدىندا ءبىزدى اگرەسسور ەتىپ كورسەتۋگە تىرىستى، الايدا الەم بۇل مالىمدەمەلەرگە سەنگەن جوق. ءبىز باسقا مەملەكەتتەردىڭ سابىرعا شاقىرعان ۇندەۋلەرىن قۇرمەتتەيمىز. بىراق ءۇندىستان قىزىل سىزىقتان ءوتتى. سوندىقتان ءبىز جاۋاپ قايتارۋعا ءماجبۇرمىز”، — دەدى مينيستر.
شەتەلدىك باق حابارلاۋىنشا، پاكىستان اسكەرى ءۇندىستاننىڭ ادامپۋرداعى اسكەري-اۋە بازاسىن جويىپ، ۋدحامپۋر بازاسىنا دا سوققى بەرگەن. سونىمەن قاتار، كيبەرشابۋىل ناتيجەسىندە ءۇندىستاننىڭ ەلەكتر جەلىلەرىنىڭ 70 پايىزى ىستەن شىققان.
ۇقساس جاڭالىقتار
