جۋرناليست ايكەرىم ەسەنالى راديو باسشىلىعىنا تاعايىندالدى

6555
Adyrna.kz Telegram
https://adyrna.kz/content/uploads/2025/05/ea842876-993d-4049-933e-0823adbb5b4d-960x500.jpeg?token=7161832821df0cf41f59d682737896ac
بەلگىلى جۋرناليست ايكەرىم ەسەنالى وردا FM راديوسىنىڭ ديرەكتورى قىزمەتىنە تاعايىندالدى. بۇل تۋرالى ءجۋرناليستىڭ ءوزى الەۋمەتتىك جەلىدەگى پاراقشاسىنا جازدى، دەپ حابارلايدى “ادىرنا” ۇلتتىق پورتالى. «بۇل، ارينە، ۇلكەن جاۋاپكەرشىلىك، ءارى سەنىم. استانا مەن الماتىدا تىڭدارمانىن تاپقان راديونى جاڭا مۇمكىندىكتەرگە جەتەلەۋ - الداعى ماقساتىم. سەنىم ارتقان ارىپتەستەر، مەديامەنەدجەرلەرگە العىس ايتقانىم ورىندى بولار. بۇل جاي عانا جاڭا قىزمەت ەمەس، مەن ءۇشىن شىعارماشىلىق پەن جاۋاپكەرشىلىكتىڭ جاڭا كەڭىستىگى»، - دەپ جازدى جۋرناليست. ول الداعى ۋاقىتتا وردا fm-دە قىزىقتى جوبالار مەن تىڭ باستامالار بولاتىنىنا ۋادە بەردى. ايكەرىم ەسەنالى 2004-2008 جىلدارى قورقىت اتا ۋنيۆەرسيتەتىندە فيلولوگيا ماماندىعى بويىنشا ءبىلىم العان. 2008-2010 جىلدارى «قازاقستان» ارناسىنداعى «تاڭشولپان» باعدارلاماسىندا، 2010 جىلى «حابار» اگەنتتىگىندە رەداكتور-جۇرگىزۋشى بولدى. 2010 جىلدان بەرى «Love Radio» راديوسىندا جۇمىس ىستەيدى. 2013-2014 جىلدارى «ايەل باقىتى» توك-شوۋىن، 2015 جىلى «قازاقستان داۋىسى» مەن «سالەم، قازاقستان!» جوبالارىن جۇرگىزدى. 2016-2019 جىلدارى بىرنەشە تەلەارنادا باس پروديۋسەر، جۇرگىزۋشى، دەپارتامەنت جەتەكشىسى قىزمەتتەرىن اتقاردى. 2020 جىلى «ەگىز-لەبىز» مەگاجوباسىن، 2022 جىلدان باستاپ «ءومىر كوركەم» باعدارلاماسىن جۇرگىزىپ كەلەدى. سونداي-اق، سەنات پەن ستراتەگيالىق ينستيتۋتتاردا PR جانە ساراپشىلىق قىزمەتتەر اتقارعان.
پىكىرلەر