تۇركيادا سۇلتان سۇلەيمەن رولىمەن الەمگە تانىلعان حاليت ەرگەنچ پەن «چۋكۋر»، «ىشتە» تەلەحيكايالارىمەن بەلگىلى بولعان رىزا كودجاوعلۋعا قاتىستى سوت ۇكىمى شىقتى، دەپ حابارلايدى "ادىرنا" ۇلتتىق پورتالى.
ىستامبۇلدا وتكەن نارازىلىق اكتسيالارىنا بايلانىستى قوزعالعان قىلمىستىق ءىس اياسىندا، سوت قوس اكتەردى جالعان كۋالىك بەردى دەپ تانىپ، قىلمىستىق جاۋاپكەرشىلىككە تارتقان. ناتيجەسىندە حاليت ەرگەنچ 1 جىل 10 اي 15 كۇنگە، ال رىزا كودجاوعلۋ 1 جىل 8 ايعا باس بوستاندىعىنان ايىرىلدى.
ءىس بويىنشا ناقتى دەرەكتەر جاريالانباعانىمەن، اكتەرلەر تەرگەۋ بارىسىندا كۋاگەر رەتىندە تارتىلىپ، جالعان اقپارات بەرگەنى ايتىلعان. وسى جاعداي ايىپتاۋ ۇكىمىنىڭ باستى نەگىزىنە اينالعان.
سوت شەشىمى تۇركيا قوعامىندا ۇلكەن رەزونانس تۋدىردى. الەۋمەتتىك جەلىلەردە جۇرت اكتەرلەرگە قولداۋ بىلدىرۋدە جانە سوتتىڭ ادىلەتتىلىگىنە كۇمان كەلتىرىپ وتىر.
