امەريكالىق ءانشى دجەننيفەر لوپەستىڭ الماتىداعى كونتسەرتىنە بيلەتتەردىڭ باعاسى جاريالاندى، دەپ حابارلايدى “ادىرنا”.
كونتسەرت 10 تامىز كۇنى الماتىداعى ورتالىق ستاديوندا وتەدى.
"دجەننيفەر لوپەستىڭ الماتىداعى كونتسەرتىنە بيلەتتەر ەرتەڭ ساتىلىمعا شىعادى. ساتىلىمنىڭ باستالۋى — ساعات 10:00", — دەلىنگەن Ticketon.kz Instagram پاراقشاسىندا جاريالانعان حابارلامادا.
بيلەتتەردىڭ باعاسى 40 مىڭ تەڭگەدەن باستالادى. Dance Floor ايماعىنداعى بيلەتتەر — 90 مىڭ تەڭگە، فان-زونادا — 120 مىڭ تەڭگە، ال VIP-ايماقتا — 180 مىڭ تەڭگە تۇرادى.
باعالاردىڭ تولىق ءتىزىمى وسىندا كورسەتىلگەن.
ءساۋىر ايىندا دجەننيفەر لوپەستىڭ "Up All Night" دۇنيەجۇزىلىك تۋرى اياسىندا 1 تامىز كۇنى استانادا كونتسەرت وتكىزەتىنى تۋرالى اقپارات شىققان بولاتىن.
ءانشىنىڭ كەلۋى تۋرالى جاڭالىق قازاقستاندىقتار اراسىندا ۇلكەن قىزىعۋشىلىق تۋعىزدى. بيلەتتەردى ساتاتىن سايتقا كوپ ادام كىرگەندىكتەن، جۇيە ۋاقىتشا ىستەن شىقتى.
21 مامىردا شوۋ ۇيىمداستىرۋشىلارى دجەننيفەر لوپەستىڭ قازاقستاندا ەكىنشى كونتسەرت وتكىزەتىنىن حابارلادى — ول 10 تامىز كۇنى الماتىدا وتەدى.
