اقش-تىڭ پرەزيدەنتى دونالد ترامپ ءوزىنىڭ بۇرىنعى سەرىكتەسى يلون ماسكتى سىنادى، دەپ حابارلايدى “ادىرنا” ۇلتتىق پورتالى.
بۇل تۋرالى ترامپ بەيسەنبى كۇنى اق ۇيدە جۋرناليستەرگە بەرگەن سۇحباتىندا ايتتى.
«يلونمەن ارامىز وتە جاقسى بولعان. ەندى سولاي بولا ما، بىلمەيمىن»، — دەدى ترامپ.
قارجىلاي قولداۋ كورسەتىپ، ترامپتىڭ سايلاۋ ناۋقانىنا 250 ميلليون دوللاردان استام قاراجات بولگەن الەمدەگى ەڭ باي ادام يلون ماسك پرەزيدەنتتىڭ جاڭا بيۋدجەت جوباسىن اشىق سىناپ، ونى «جيىركەنىشتى سۇمدىق» دەپ اتادى. بۇل زاڭ جوباسى ترامپتىڭ ىشكى ساياساتتاعى نەگىزگى باستامالارىنىڭ ءبىرى — «ءبىر ۇلكەن ادەمى زاڭ» (One Big Beautiful Bill) دەپ اتالادى.
ماسك ح الەۋمەتتىك جەلىسى (بۇرىنعى Twitter) ارقىلى جاۋاپ بەرىپ، ترامپتى سىناعان.
«مەن بولماسام، ترامپ سايلاۋدا جەڭىسكە جەتپەس ەدى»، - دەپ جازدى ول.
ولاردىڭ اراسىنداعى تەكەتىرەس نارىققا دا اسەر ەتكەن. Tesla كومپانياسىنىڭ اكتسيالارى ءبىر كۇندە 15%-عا تومەندەپ، سوڭعى ءۇش ايداعى ەڭ ۇلكەن قۇلدىراۋعا ۇشىرادى.
ۇقساس جاڭالىقتار
