رەسەي مەن اقش پرەزيدەنتتەرى تاياۋ شىعىستاعى احۋالدى تالقىلادى

رەسەي پرەزيدەنتى ۆلاديمير پۋتين مەن اقش باسشىسى دونالد ترامپ تەلەفون ارقىلى سويلەستى، دەپ حابارلايدى “ادىرنا” ۇلتتىق پورتالى ريا-عا سىلتەمە جاساپ. كەلىسسوز تۋرالى رەسەي پرەزيدەنتىنىڭ كومەكشىسى يۋري ۋشاكوۆ مالىمدەدى. ونىڭ ايتۋىنشا، تاراپتار تاياۋ شىعىستا شيەلەنىسە تۇسكەن جاعدايدى باستى نازارعا العان. “ۆلاديمير پۋتين ءيزرايلدىڭ يرانعا قارسى اسكەري وپەراتسياسىن ايىپتاپ، وڭىرلىك قاقتىعىستىڭ ۋشىعۋ قاۋپىنە الاڭداۋشىلىق ءبىلدىردى. بۇل بۇكىل تاياۋ شىعىسقا قاۋىپ ءتوندىرۋى مۇمكىن”، — دەدى ۋشاكوۆ. سونداي-اق پۋتين ترامپقا يزرايل پرەمەرى بينيامين نەتانياحۋ جانە يران پرەزيدەنتى ماسۋد پەزەشكيانمەن سويلەسكەنىن جەتكىزدى. اڭگىمە بارىسىندا رەسەي تاراپىنان يراننىڭ يادرولىق باعدارلاماسىنا قاتىستى كەلىسسوزدەردى قايتا باستاۋعا ناقتى ۇسىنىستار بولعانى دا ايتىلدى. كرەمل وكىلىنىڭ مالىمەتىنشە، ەكى ەل باسشىسى يادرولىق كەلىسسوزدەر ترەگىنە ورالۋ مۇمكىندىگىن جوققا شىعارماعان. قوس پرەزيدەنتتىڭ اڭگىمەسى 50 مينۋتقا سوزىلعان. ۋشاكوۆتىڭ ايتۋىنشا، ۆلاديمير پۋتين دونالد ترامپتى 79 جاسقا تولۋىمەن قۇتتىقتادى.