قر دەنساۋلىق ساقتاۋ مينيسترلىگى COVID-19-عا قارسى شەكتەۋ شارالارىنىڭ جەڭىلدەگەنى تۋرالى حابارلادى. اتاپ ايتقاندا، ەلىمىزدىڭ بارلىق ايماعىندا Ashyq ءموبيلدى قوسىمشاسىن مىندەتتى تۇردە قولدانۋ، الەۋمەتتىك قاشىقتىقتى ساقتاۋ، دەنە قىزۋىن ولشەۋ، ماسكا تاعۋ تالاپتارى الىنىپ تاستالدى، دەپ حابارلايدى "ادىرنا" ۇلتتىق پورتالى.
الايدا مينيستر اجار عىنيات Qasqa Jol Youtube ارناسىنا بەرگەن سۇحباتىندا قازاقستاننىڭ كوروناۆيرۋستى ءالى تولىق جەڭبەگەنىن ايتتى.
«كوروناۆيرۋستىڭ سوڭعى 5-تولقىنى وميكرون شتامىمەن كوتەرىلدى. گەنوتيپتىك زەرتتەۋلەر اقپان ايىندا ءبىزدىڭ ەلىمىزدە 75% وميكرون شتامىمەن، قالعانى دەلتا شتامىمەن اينالىستا بولدى. دەلتا شتامى وتە اۋىر بولدى. ءولىم-جىتىمگە كوپ اكەلدى. وميكرون نۇسقاسى جەڭىلدەۋ بولىپ جاتىر. سوعان بايلانىستى بۇل اۋرۋ ءوتتى، ونداي قورقىنىش جوق دەپ ايتۋعا بولمايدى. ءالى دە كوروناۆيرۋستىڭ قاتاڭ تۇرلەرى كەزدەسىپ جاتىر. بۇگىنگى كۇننىڭ وزىندە دە كۇن سايىن 300-دەن استام ادام تىركەلۋدە. ونىڭ ىشىندە اۋرۋحاناعا – رەانيماتسياعا ءتۇسىپ جاتقان ادامدار دا بار. سوندىقتان بۇل اۋرۋ كەتتى، جەڭدىك دەپ ايتۋعا ءالى ەرتە»، - دەپ ءتۇسىندىردى اجار عىنيات.
سۇحباتتىڭ تولىق نۇسقاسىن تومەندەگى سىلتەمە ارقىلى كورە الاسىزدار:
"ادىرنا" ۇلتتىق پورتالى
