جەتىسۋ وبلىسى ەلىمىزدە العاشقى بولىپ تالدىقورعان قالاسىندا ۇكىمەتتىك ەمەس ۇيىممەن بىرلەسىپ پسيحونەۆرولوگيالىق اۋرۋلارى بار ناۋقاستارعا ارنالعان 50 ورىندىق ستاتسيونارلىق ورتالىق اشتى. وسى جانە وزگە دە الەۋمەتتىك قورعاۋ سالاسىنداعى شارالار تۋرالى بۇگىن جۋرناليستەرگە جەتىسۋ وبلىسىنىڭ اكىمى بەيبىت يساباەۆ بريفينگ بارىسىندا بايانداپ بەردى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.
وبلىس باسشىسىنىڭ سوزىنە سۇيەنسەك، «قامقورلىق» قورىمەن بىرلەسىپ ءاۋتيزمى جانە باسقا دا اقىل-وي كەمىستىگى بار بالالارعا ارنالعان ورتالىق جانە الاكول، پانفيلوۆ، سارقان، قاراتال اۋداندارىندا ارقايسىسى 30-50 ورىن بولاتىن بالالارعا ارنالعان وڭالتۋ بولىمشەلەرى ىسكە قوسىلعان. سونىڭ ىشىندە بيىل الاكول جاعالاۋىندا مۇگەدەكتىگى بار بالالارعا ارنالعان جازعى دەمالىس ءۇيى اشىلادى.
سونداي-اق كەلەسى جىلى تالدىقورعاندا 150 ورىندىق وڭالتۋ ورتالىعىن سالۋ جوسپارلانىپ وتىر.
جەتىسۋ وبلىسى اكىمىنىڭ ءباسپاسوز قىزمەتى.
