اقش پرەزيدەنتى دجو بايدەننىڭ ۇلى حانتەر بايدەن سالىق تولەمەگەنى ءۇشىن شارتتى تۇردە سوتتالاتىن بولدى، دەپ حابارلايدى «ادىرنا» ءتىلشىسى.
ول ءۇش ايىپ بويىنشا ءوزىنىڭ كىنالى ەكەنىن مويىندادى. اتاپ ايتساق، حانتەر بايدەن 2017-2018 جىلدارى تابىس سالىعىن قاساقانا تولەمەگەنىن جانە 2018 جىلى Colt Cobra 38 special ۇلگىسىندەگى تاپانشانى ساتىپ العانىن مالىمدەدى. بۇدان بولەك ەر ادامنىڭ ەسىرتكى قولدانعانى دا بەلگىلى بولدى. الايدا ايىپتاۋمەن كەلىسىپ، سالىقتان جالتارعانىن مويىنداعانى ءۇشىن دەلاۆەر شتاتىنىڭ باس پروكۋرورى ونى قىلمىستىق قۋدالاماۋعا ۋادە بەرگەن.
ال رەسپۋبليكاشىل دەپۋتاتتار بولسا، پرەزيدەنتتىڭ ۇلى جەڭىل جازامەن قۇتىلىپ كەتەدى دەپ دابىل قاعۋدا.
ايتا كەتەيىك، بۇعان دەيىن ترامپ اقش پرەزيدەنتى بولعان كەزدە «بايدەننىڭ سىبايلاس جەمقورلىققا قاتىسى بولۋى مۇمكىن» ەكەنىن مالىمدەگەن ەدى. ول بايدەننىڭ ۇلى حانتەردىڭ شەتەلدەن تولەمدەر العانىن بىرنەشە رەت ايتتى.
