قىرعىزستاننىڭ مادەنيەت، اقپارات، سپورت جانە جاستار ساياساتى مينيسترلىگى مەملەكەتتىك ءانۇراننىڭ جاڭا ءسوزى مەن انىنە كونكۋرس جاريالاعانىن مالىمدەدى، دەپ حابارلايدى "ادىرنا" ۇلتتىق پورتالى.
بۇل تۋرالى مينيسترلىكتىڭ رەسمي سايتىندا جانە الەۋمەتتىك جەلىلەردەگى پاراقشالارىندا حابارلاندى.
كونكۋرس "قىرعىزستان حالقىنىڭ تاريحي مۇراسىن، مادەني ءداستۇرىن جانە ۇلتتىق بىرلىگىن بىلدىرەتىن كوركەمدىگى جوعارى مۋزىكالىق شىعارما" دايىنداۋ ماقساتىندا ۇيىمداستىرىلىپ وتىر. ۇسىنىلعان شىعارمالاردى باعالايتىن كوميسسيا قۇرامىنا جوعارعى كەڭەس دەپۋتاتتارى، مەملەكەتتىك ورگان وكىلدەرى، جازۋشىلار، كومپوزيتورلار جانە مادەنيەت قايراتكەرلەرى ەنەدى. ەگەر لايىقتى شىعارما تابىلماسا نەمەسە ءوتىنىش سانى جەتكىلىكسىز بولسا، كونكۋرس جۇزەگە اسپاعان بولىپ سانالادى.
مەملەكەتتىك ءانۇراندى وزگەرتۋ باستاماسىن 2024 جىلدىڭ قازان ايىندا جوعارعى كەڭەس سپيكەرى نۋرلانبەك شاكيەۆ كوتەرگەن بولاتىن. ول قىرعىزستان تاۋەلسىزدىك العان كەزدە قابىلدانعان ءانۇراندى ورىنداۋدىڭ قيىن ەكەنىن، كەي ازاماتتاردىڭ ونى تولىق ايتىپ بەرە المايتىنىن العا تارتقان.
بۇل يدەيانى كەيىنىرەك ەل پرەزيدەنتى سادىر جاپاروۆ تا قولداپ، مەملەكەتتىك سيمۆولداردى جاڭارتۋدا تۇرعان ەشتەڭە جوق ەكەنىن اتاپ ءوتتى.
