شىمكەنت قالاسىندا حالىق شوعارلاناتىن جەرلەر زالالسىزداندىرىلىپ، شەكتەۋ كۇشەيتىلدى. قالادا تۇرعىنداردىڭ كوشەدە ماسكاسىز جۇرۋىنە تىيىم سالىنعان.
شىمكەنتتەگى كوشەلەر مەن ورتالىق الاڭدار، بالالاردىڭ ويىن الاڭشالارى، ساۋدا الاڭدارىنىڭ اۋماقتارى، كوپقاباتتى ۇيلەردىڭ كىرەبەرىستەرى مەن اۋلالار كۇندەلىكتى دەزينفەكتسيالىق رەجيمگە كوشىرىلگەن.
ءال-فارابي اۋدانى اۋماعىنداعى "وتىرار" شاعىناۋدانىندا ورنالاسقان كوپقاباتتى تۇرعىن ۇيلەردىڭ اۋلالارى مەن كىرەبەرىستەرىنە دەزينفەكتسيالاۋ جۇمىستارى جۇرگىزىلدى.
ەسكە سالا كەتسەك، كەشە اتالعان اۋدان اۋماعىندا زالالسىزداندىرۋ جۇمىستارى ا.بايتۇرسىنوۆ، ك.توقاەۆ، ع.يلياەۆ، تاۋكە حان، تۇركىستان، ت.الىمقۇلوۆ، ت.ورىنباەۆ، ءى.ەسەنبەرلين كوشەلەرىنىڭ بويىندا ورنالاسقان كوپقاباتتى تۇرعىن ۇيلەردىڭ اۋلالارى مەن كىرەبەرىستەرىنە جاسالدى.
بۇل جۇمىستى سۋ بۇركيتىن اۆتوكولىك جانە ارنايى كيىم كيگەن جاياۋ جۇرگىنشى توپ اتقارىپ جاتىر. اتالعان جۇمىستار كەستەگە سايكەس، كۇندەلىكتى جالعاسادى.
