بۇگىن اتىراۋدا "بەرەكە" ىقشاماۋدانىنداعى 72 پاتەردەن تۇراتىن №42 ءۇي پايدالانۋعا بەرىلدى.
“نۇرلى جەر” باعدارلاماسى بويىنشا “كاسپيسكوە كادروۆوە اسسوتسياتسيا مەكەمەسى” سالعان باسپانا بۇل جولى ءۇش الەۋمەتتىك سانات بويىنشا بەرىلۋدە.
تۇرعىن ۇيلەر 27 كوپبالالى، 28 از قامتىلعان وتباسى مەن 17 جەتىم جانە اتا-انا قامقورلىعىنسىز قالعان بالالاردىڭ ۇلەسىنە ءتيىپ وتىر. ءبىر جانە ەكى بولمەلى پاتەرلەردىڭ ءىشى كەڭ.
ايتا كەتۋ كەرەك، بۇل ءۇي ساتىپ الۋ قۇقىنسىز بەرىلگەندىكتەن، اي سايىن مەملەكەتكە جالداۋ اقىسى تولەنەدى.
