قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا قر ۇلتتىق ەكونوميكا ءمينيسترى اسەت ەرعاليەۆ ەكونوميكانىڭ 7 كورسەتكىشى بويىنشا وڭ ءوسىم شىمكەنت قالاسى جانە ماڭعىستاۋ وبلىسىندا بايقالىپ وتىرعانىن اتاپ ءوتتى.
ماسەلەن، 2021 جىلدىڭ قاڭتار-ءساۋىر ايىنىڭ قورىتىندىسىمەن ونەركاسىپ ءونىم كولەمى 243,3 ملرد. تەڭگەنى قۇراسا، ونىڭ ىشىندە وڭدەۋ ونەركاسىبىنىڭ كولەمى وتكەن جىلدىڭ سايكەس كەزەڭىمەن سالىستىرعاندا 114,4 پايىزعا جەتكەن. بۇل كورسەتكىشپەن قالامىز ەلىمىز بويىنشا 1 بەستىككە كىرىپ وتىر. سونداي-اق، پايدالانۋعا بەرىلگەن تۇرعىن ءۇي كولەمى 111,3 مىڭ شارشى مەترگە جەتىپ، 6,3 ەسەگە ۇلعايعان. بۇل كورسەتكىشتىڭ ءوسىمى بويىنشا قالامىز رەسپۋبليكادا كوش باسىنان كورىندى.
ال، اۋىلشارۋاشىلىعىنىڭ ءونىم كولەمى 9,3 ملرد. تەڭگەنى قۇراپ، ناقتى كولەم يندەكسى 1,6 پايىزعا وسكەن. ينۆەستيتسيا كولەمى 59,7 ملرد. تەڭگەنى قۇراپ،
25,2 پايىزعا ارتتى. ءوسىم بويىنشا قالامىز رەسپۋبليكادا ءبىرىنشى بەستىككە كىردى. سونىمەن قوسا، قۇرىلىس جۇمىستارىنىڭ كولەمى 19 ملرد.تەڭگەنى قۇراپ، 22,5 پايىزعا ءوستى.
ينۆەستيتسيا جانە قۇرىلىس جۇمىستارىنىڭ ءوسىمى «پكوپ» جشس – مۇناي وڭدەۋ زاۋىتىندا قايتا قۇرۋ جانە جاڭا قۇرال-جابدىقتار الۋ، «Hevel Kaزاحستان» جشس-مەن كۇن ەلەكترستانتسياسىنىڭ، جول ايرىعى، تۇرعىن ءۇي قۇرىلىسى ەسەبىنەن بولدى.
ال، جالپى ساۋدا كولەمى 103,9 پايىزدى قۇراسا، كولىك كولەمى 105,9 پايىزدى قۇراپ، رەسپۋبليكادا كوش باستادى.
شىمكەنت قالاسى اكىمدىگىنىڭ ءباسپاسوز قىزمەتى
