ونلاين-حابارلاندىرۋ پلاتفورمالارىنىڭ بىرىندە ۇزدىك ۇلگەرىممەن بىتىرگەن تۇلەك "التىن بەلگى" مەدالىن 2 000 000 تەڭگەگە ساتۋعا قويعان، دەپ حابارلايدى "ادىرنا" ۇلتتىق پورتالى.
حابارلاندىرۋ سايتتا جاريالانىپ، قوستاناي قالاسى بەلگىلەنگەن.
- جاپ-جاڭا، 2 ميلليون تەڭگەگە ساتامىن. بىلەسىز بە، مەدال ەكسكليۋزيۆتى، بۇلاردىڭ سانى كوپ ەمەس! ەگەر ساتىپ الامىن دەسەڭىز 1,5 ميلليون تەڭگەگە بەرە الامىن، – دەپ جاۋاپ بەردى تەلەفوندا جارنامانىڭ اۆتورى.
ونىڭ ايتۋىنشا، ول مەكتەپتى بيىل بىتىرگەن. مەدال يەسى ءوزىن تانىستىرۋدان باس تارتتى. ەستەلىك زاتتى نە سەبەپتى ساتقالى جاتقانىن دا تۇسىندىرمەدى.
ەستەرىڭىزگە سالا كەتەيىك، 2020-2021 وقۋ جىلىنىڭ قورىتىندىسى بويىنشا 9 738 تۇلەك "التىن بەلگى" يەگەرى اتاندى. بۇل وتكەن جىلداردىڭ كورسەتكىشتەرىمەن سالىستىرعاندا رەكورد بولىپ تانىلعان. بيىلدان باستاپ "التىن بەلگى" مەدەلىنە ۇمىتكەرلەردىڭ ەمتيحان جۇمىستارىن مەكتەپتەر ەمەس، ءبىلىم باسقارمالارى جانىنداعى كوميسسيالار تەكسەرەتىن بولادى. وقۋ وزاتتارىنىڭ ءتىزىمى وسى كوميسسيا شىعارعان شەشىمنەن كەيىن عانا بەكىتىلمەك.
"ادىرنا" ۇلتتىق پورتالى
