2012 جىلى نەگىزى قالانعان «استانا» ۆەلوكومانداسى قازاقستاننىڭ الەمدىك سپورتتاعى ءيميدجى دەۋگە بولادى. «ادىرنا» ۇلتتىق پورتالى ۆەلوۇجىمنىڭ 10 جىلدىعى قارساڭىندا كوماندا تاريحىنداعى باستى جەڭىستەر تۋرالى شىعارىلىمدار سەرياسىن دايىنداعان بولاتىن، سونى نازارلارىڭىزعا ۇسىنامىز:
«استانا» ۆەلوكلۋبى قۇرىلعان ساتتەن-اق جاس ۆەلوشاباندوزداردى تاربيەلەۋ ىسىنە باسا نازار اۋدارىپ، ۇرپاقتار ساباقتاستىعىن جولعا قويا ءبىلدى. سونىڭ ناتيجەسىندە كوماندا قورجىنى الەمدىك دەڭگەيدەگى جۇلدەلى ورىندار مەن جارقىن جەڭىستەرگە تولى بولدى.
ەلوردالىق ۆەلوكوماندا رەسمي ىسكە كىرىسكەن جىلدان باستاپ حالىقارالىق گراند-تۋرلاردا فاۆوريتتەر قاتارىنان تۇسكەن ەمەس. جەكەلەگەن شاباندوزدار ۆەلوۇجىمنىڭ كوماندالىق ەسەپتە الدىڭعى ورىندارعا جايعاسۋىنا ىقپال ەتىپ، ليدەرلەر قاتارى ۇلعايدى.
العاشىندا الەكساندر ۆينوكۋروۆتىڭ لوندون وليمپياداسىنداعى ايقىن جەڭىسى كوماندانى الەمگە تاعى ءبىر مارتە تانىتتى. سودان سوڭ ۆينوكۋروۆتىڭ «ۆۋەلتا» كوپكۇندىگىندەگى جەڭىستى جولى كوماندا بەدەلىن ودان ءارى ارتتىرا ءتۇستى. ءتىپتى ونىڭ جەتىستىكتەرى مەن الەۋەتى ۆەلوجوبانى باستاۋ يدەياسىن قالىپتاستىردى دەۋگە تولىق نەگىز بار.
كوماندانىڭ باستاپقى ءداستۇرى ءالى كۇنگە دەيىن ساقتالىپ كەلەدى. ايتالىق، «استانا» ۆەلوكلۋبى قازاقستاندىق جاس شاباندوزداردىڭ دامۋىنا ىقپال ەتۋدە. ۆينوكۋروۆ سىندى چەمپيونداردى دايارلاعان ۆەلوكلۋبتا تاربيەلەنۋشىلەر سانى جىل سايىن ارتىپ كەلەدى. بۇگىنگى تاڭدا جەرگىلىكتى ستۋدەنتتەردىڭ سانى الدەقايدا جوعارى.
الدىڭعى قاتارى، كەلەر ماۋسىمدا «دجيرو د'يتاليا»، «حاەن پارايسو ينتەريور»، «اندالۋسيا ۆۋەلتاسى»، «وملۋپ حەت نيۋزبلاد»، «ۆالەنسيا ۆۋەلتاسى»، «تيررەنو-ادرياتيكو»، «ميلان-سان-رەمو»، «ءالپى» تۋرى جانە «پاريج-نيتستسا» ۆەلوجارىستارىندا باق سىناماق.
ۆەلوۇجىم 2021 جىلدى جەمىستى ءتامامدادى. جاڭا قۇرام جاساقتاپ، تاريحي «استانا» اتاۋىن «Astana Qazaqstan Team» دەپ وزگەرتتى. وتكەن ماۋسىم 2020 جىلمەن سالىستىرعاندا ءساتتى ءوتتى. بىراق جىل باسىنداعى يسپانيا مەن تاياۋ شىعىستاعى ساتسىزدىكتەردى ەسەپكە الماعاندا. ادەتتەگى جەتىستىكتەر بۇل جولى سۋسىپ كەتتى. ماۋسىمنىڭ العاشقى جەڭىستەرى تەك ءساۋىر ايىندا «باسك» تۋرىنان باستاۋ الدى.
سودان كەيىن الەكس ارانبۋرۋ ەكىنشى كەزەڭدە مارەگە ءبىرىنشى بولىپ جەتتى. ال يون يزاگيررە بولسا ءتورتىنشى ورىندى قاناعات تۇتتى. بۇدان بۇرىن «استانا» ۆەلوكلۋبى «پاريج-نيتستسا» كوپكۇندىگىنە جاقسى ساپار شەككەن بولاتىن. ۆلاسوۆ ەكىنشى، يون يزاگيررە ءۇشىنشى بولدى. لۋتسەنكو ميگەل يندۋراينا گران-پريىندە جەڭىسكە ءبىر تابان جاقىن بولدى. الەحاندرو ۆالۆەردەدەن شامالى قالىپ قويدى دەۋگە بولادى.
سونداي-اق «استانانىڭ» شاباندوزى لۋيس لەون سانچەس ءۇشىنشى ورىنعا شىقتى. «ءالپى» تۋرىندا الەكساندر ۆلاسوۆ جارىس قورىتىندىسى بويىنشا ءۇشىنشى ورىنعا جايعاستى. الەكسەي لۋتسەنكو «دوفين كريتەريىندە» جەكەلەي سىندا ماۋسىمداعى العاشقى جەڭىسىنە قول جەتكىزدى، جالپى ەسەپتە ول ەكىنشى بولدى. سونىمەن قاتار «شۆەيتساريا» تۋرىندا ياكوب فۋلسانگ پوديۋمعا كوتەرىلدى. قىسقاسىن ايتقاندا، ءداستۇرلى چەمپيوناتتاردا «استانا» ۆەلوشاباندوزدارى دا وزدەرىن كورسەتە ءبىلدى.
جەكەلەي سىندا رەسەيلىك الەكساندر ۆلاسوۆ، يتالياندىق ماتتەو سوبرەرو، يسپاندىق يون يزاگيررە، ەريترەيا مەرحاۆي كۋدۋس جانە كانادالىق ۋگو ۋل چەمپيون اتاندى. توپتىق جارىستا يسپاندىق ومار فرايلە مەن قازاقستاندىق ەۆگەني فەدوروۆ جەڭىسكە جەتتى. ماۋسىم سوڭىندا لۋتسەنكو «ۋگو اگوستيني كۋبوگىندە» جانە يتالياداعى «Serenisissima Gravel» كومانداسىندا جەڭىسكە جەتىپ، ناتيجەسىندە ماۋسىمنىڭ ەڭ ناتيجەلى شاباندوزى اتاندى. «ۆەنەتو كلاسسيك» ماۋسىمىنىڭ سوڭعى جارىسىندا سامۋەل باتتيستەللا جەڭىسكە جەتتى. جالپى «استانا» ۆەلوشاباندوزدارى تاعى 11 رەت ءتۇرلى كوپكۇندىك جارىستاردا جەڭىسكە ءبىر تابان جاقىن بولدى.
ۆەلوكوماندا ءوز تاريحىندا بىرنەشە رەت الەمدىك كوشباسشىلاردى قۇراماعا شاقىردى. ولار «استانا» قۇرامىندا بىرنەشە رەت ءىرى جارىستاردا جەڭىس جولىنان كورىندى.
بۇل تىزىمدە 2008 جىلدان بەرى «استانانىڭ» نامىسىن قورعاعان يسپاندىق البەرتو كونتادور ەرەكشە ورىن الادى. سپورتشى ءۇش رەت گراند-تۋرلاردىڭ جەڭىمپازى اتاندى. اتاپ ايتار بولساق، ول «دجيرو د ' يتاليا» (2008), ۆۋەلتا (2008) جانە تۋر دە فرانس (2009) باسەكەلەرىندە ءبىرىنشى ورىندى يەلەندى.
ەلوردالىق كوماندانىڭ تاعى ءبىر جەڭىسى – يتالياندىق ۆينچەنتسو نيبالي. ول كونتادور سياقتى ءىرى كوپكۇندىك جارىستاردا ءۇش رەت قۇرمەت تۇعىرىنا كوتەرىلدى. 2013 جىلى جيرونى جەڭىپ، 2016 جىلى يتاليا گراند-تۋرىندا ءبىرىنشى بولىپ مارەگە جەتتى.
مۇنداي ستاتيستيكا ۆەلوسپورت الەمىندە ءوزىمىزدىڭ قازاقستاندىق برەندىمىزدى قالىپتاستىرۋعا مۇمكىندىك بەرەدى. بۇل الەمدىك دەمەۋشىلەر نازارىن كومانداعا بۇرادى. ءوز كەزەگىندە، باستاپقىدا مەملەكەت تاراپىنان تولىقتىرىلعان بيۋدجەت قازىر مەتسەناتتاردان كەلەدى. جاقسى جولعا قويىلعان ينفراقۇرىلىمدار كومانداعا الەمدىك ۆەلوسپورت جۇلدىزدارىن تارتۋعا مۇمكىندىك بەردى. بۇل قارجىلىق جاعىنان پايدالى جانە لەگيونەرلەر جەرگىلىكتى شاباندوزداردىڭ بىلىكتىلىگىن ارتتىرۋدا ماڭىزدى ءرول اتقارادى. سەبەبى جەرگىلىكتى سپورتشىلارعا اۋىر جۇكتەمە جۇكتەلگەن.
قۇرامانىڭ وليمپياداداعى ناتيجەلەرىنە توقتالار بولساق، قازاقستاندىقتار جاپونيادا وزدەرىن كورسەتە المادى. «تۋر دە فرانستان» كەيىنگى جىلۋ مەن جوعارى ىلعالدىلىق ناتيجەگە اسەر ەتتى. توپتىق جارىستا ۇشەۋى دە قارسىلاستارىنا ەسە جىبەردى. ناتيجەسىندە، لۋتسەنكو تەك 21-ءشى، دميتري گرۋزدەۆ پەن ۆاديم پرونسكي جارىستى اياقتاي المادى. ال الەكسەي مارەگە 32-ءشى بولىپ جەتتى.
ماۋسىم سوڭىندا ۆينوكۋروۆتىڭ جەتەكشىلىگىمەن «استانا» كاسىبي سپورت كلۋبى اتاۋىن «Astana Qazaqstan Team» دەپ وزگەرتىپ، جاڭا كوماندا قۇرا باستادى. لۋتسەنكومەن كەلىسىمشارت ءۇش جىلعا، يۋري ناتاروۆ پەن ەۆگەني گيديچپەن ەكى جىلعا ۇزارتىلدى.
سونداي-اق ۆينچەنتسو نيبالي مەن ميگەل انحەل لوپەس «استاناعا» قايتا ورالدى. بۇل كومپوزيتسيانى يتالياندىق دجانني موسكون مەن لەوناردو باسسو، يسپاندىق دەۆيد دە لا كرۋز، امەريكاندىق دجو دوبروۆسكي جانە كولۋمبيالىق سەباستيان ەناو نىعايتتى.
قورىتىندىلاساق، ەلوردالىق «Astana Qazaqstan Team» كومانداسى ەلىمىزدىڭ ۆەلوسپورت تاريحىندا ۇلكەن «ۆەلوسەرپىلىس» باستاۋى بولدى. جارقىن جەڭىستەر حالىق اراسىندا بۇل سپورت تۇرىنە دەگەن قىزىعۋشىلىقتىڭ ارتۋىنا اسەر ەتتى. ءىرى قالالاردا ارنايى جولدار سالىنا باستادى. ويتكەنى ۆەلوسيپەد اۋەسقويلارىنىڭ سانى كۇرت ءوستى. سونىمەن قاتار، جىل سايىن رەسپۋبليكادا كوپتەگەن ۆەلوجارىستار مەن ۆەلومارافوندار وتكىزىلەدى. وعان مىڭداعان شاباندوزدار قاتىسادى..
«استانا» كاسىبي سپورت كلۋبىنىڭ باس سەرىكتەسى – «سامۇرىق-قازىنا» ۇاق» اق، قۇرىلتايشىسى – تۋريزم يندۋسترياسى مەن سپورتتى قولداۋ قورى
ورالباي مەرگەنبايۇلى
