ەلوردالىق پوليتسەيلەر 40-تان استام شەتەلدىكتى ەلدەن شىعاردى

2105
Adyrna.kz Telegram

توتەنشە جاعداي رەجيمى كەزەڭىندە ەلوردادا 41 زاڭسىز كەلۋشى قازاقستان رەسپۋبليكاسىنان شىعارىلدى، – دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.

قازىرگى ۋاقىتتا ەلوردادا جاعداي تۇراقتى. قۇقىق قورعاۋ ورگاندارى ءتيىستى قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋدە. ءبىر تاۋلىكتىڭ ىشىندە قالادا 11 قىلمىس تىركەلدى. سونداي-اق، 105 جول-كولىك وقيعاسى تىركەلدى، جاراقات العاندار جوق.

«توتەنشە جاعداي رەجيمى جاريالانعاننان بەرى 353 بەلگىلەنگەن رەجيمدى بۇزۋ نەمەسە مەملەكەتتىك ورگان بەلگىلەگەن تالاپتاردى ورىنداماۋ فاكتىسى تىركەلدى. كىنالىلەرگە قاتىستى شەشىمدى سوت قابىلدادى.

توتەنشە جاعداي كەزىندە ەلوردا كوشەلەرى مەن قوعامدىق ورىنداردا ءتيىستى قۇقىقتىق ءتارتىپتى قامتاماسىز ەتۋ ماقساتىندا نۇر-سۇلتان قالاسىنىڭ پوليتسيا قىزمەتكەرلەرى قازاقستان رەسپۋبليكاسىندا بولۋ قاعيدالارىن بۇزعان شەتەلدىكتەردى انىقتاۋ بويىنشا ءىس-شارالار جۇرگىزۋدە. بازارلاردىڭ، ساۋدا ۇيلەرىنىڭ، سۋپەرماركەتتەر مەن قۇرىلىس نىساندارىنىڭ جانە ت.ب. اۋماعىندا جەرگىلىكتى-رەيدتىك ءىس-شارالار وتكىزىلۋدە»،– دەلىنگەن حابارلامادا.

«ادىرنا» ۇلتتىق پورتالى

پىكىرلەر