«ستەپنوگورسك تاۋ-كەن حيميالىق كومبيناتىنىڭ» اكتسيونەرلەرى «قازاقستان حالقىنا» قوعامدىق الەۋمەتتىك قورىنا 350 ميلليون تەڭگە اۋداردى، دەپ حابارلايدى «ادىرنا» ءتىلشىسى.
بۇل قاراجات ازاماتتاردىڭ دەنساۋلىق ساقتاۋ، ءبىلىم بەرۋ، الەۋمەتتىك قولداۋ، مادەنيەت جانە سپورت سالالارىنداعى پروبلەمالارىن شەشۋگە باعىتتالاتىنى بەلگىلى بولدى.
قوردىڭ ارقاسىندا توتەنشە جاعدايلار كەزىندە جانە تج رەجيمىن ەنگىزۋ كەزىندە زارداپ شەككەن حالىققا كومەك كورسەتىلەدى دەپ جوسپارلانۋدا.
سونداي-اق قور سيرەك كەزدەسەتىن اۋرۋلارى بار بالالاردى ەمدەۋگە كومەك كورسەتىپ، الەۋمەتتىك جانە مادەني وبەكتىلەردىڭ قۇرىلىسىن قارجىلاندىراتىن بولادى.
ايتا كەتەيىك، «قازاقستان حالقىنا» مەملەكەت باسشىسى قاسىم-جومارت كەمەلۇلى توقاەۆتىڭ تاپسىرماسى بويىنشا قۇرىلدى. ونىڭ باسشىسى بولىپ بۇرىنعى قارجى ءمينيسترى بولات جامىشەۆ تاعايىندالدى.
«ادىرنا» ۇلتتىق پورتالى
