سوت Facebook-تە وبلىستىق ءماسليحات دەپۋتاتىن قورلاعان اقتوبەلىككە جازا تاعايىندادى، دەپ حابارلايدى "ادىرنا" ۇلتتىق پورتالى "دياپازون" سايتىنا سىلتەمە جاساپ.
باسىلىم مالىمەتىنشە، ءبارى الەۋمەتتىك جەلىدە باستالعان. وندا اۋىل شارۋاشىلىعى كوللەدجىنىڭ ديرەكتورى امانگەلدى ەسەركەپوۆ (وبلىستىق ءماسليحات دەپۋتاتى) زەينەتكەرلىككە سالتاناتتى تۇردە شىعارىپ سالىنعانى، ءىس 2021 جىلى جازدا بولعانى ايتىلادى. جەلى قولدانۋشىلارىنىڭ ءبىرى "اقىماق", "ستارپەر" دەپ، ونى قورلايتىن سوزدەر جازعان. مۇنى كورگەن دەپۋتات پىكىر جاعان اۆتوردىڭ ۇستىنەن قىلمىستىق سوتقا ارىز جازعان.
ايىپتالۋشى ازامات اۋىل شارۋاشىلىعى كوللەدجىنىڭ باستاپقى اسكەري دايىندىق ءپانىنىڭ بۇرىنعى وقىتۋشىسى بولىپ شىققان، بۇعان دەيىن ونى ەسەركەپوۆ پروكۋروردىڭ قاۋلىسىمەن جۇمىستان شىعارىپ جىبەرگەن ەكەن.
ايىپتالۋشى الەۋمەتتىك جەلىدە ءتىل تيگىزبەگەنىن، ول جەردە ءتىپتى تىركەلمەگەنىن ايتىپ، كىناسىن مويىنداماعان.
سوت بۇرىنعى ءباد مۇعالىمىن قورلاۋ سوزدەرى ءۇشىن 50 ساعات قوعامدىق جۇمىسقا تارتۋ تۋرالى ۇكىم شىعاردى، بىراق كەيىن راقىمشىلىققا بايلانىستى ونى بۇل جازادان بوساتقان. سونداي-اق، سوتتالۋشى امانگەلدى ەسەركەپوۆكە مورالدىق شىعىن ءۇشىن 100 مىڭ تەڭگە جانە بۇل ءىس بويىنشا ادۆوكاتتاردىڭ جۇمىسى ءۇشىن 500 مىڭ تەڭگە تولەۋگە مىندەتتەلدى.
"ادىرنا" ۇلتتىق پورتالى
