ماڭعىستاۋدا ايەل تۇرمەدەگى كۇيەۋىنە تەلەفوندى كىر سابىنعا تىعىپ وتكىزبەك بولعان، – دەپ حابارلايدى «ادىرنا» ءتىلشىسى polisia.kz-كە سىلتەمە جاساپ.
«ماڭعىستاۋ وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ گم-172/10 قىزمەتكەرلەرىنىڭ جەدەل ءىس-قيمىلدارىنىڭ ارقاسىندا سوتتالعانداردىڭ بىرىنە ارنالعان سالەم-ساۋقاتتى تەكسەرۋ كەزىندە ۇيالى تەلەفون تابىلىپ، تاركىلەندى. قىزمەتكەرلەر ونى مەكەمەگە كەلگەن ايەلدەن تاپتى. تىيىم سالىنعان زات كىر سابىنىنىڭ ىشىنە جاسىرىلعان. ايەل قۇرىلعىنى كۇيەۋىنە وسىلايشا جەتكىزبەكشى بولعان»،– دەلىنگەن حابارلامادا.
اتالعان فاكتى بويىنشا قر اقبتك-ءنىڭ 481-بابى بويىنشا اكىمشىلىك حاتتاما تولتىرىلىپ، ماتەريال اقتاۋ قالاسىنىڭ مامانداندىرىلعان سوتىنا جىبەرىلدى.
«ادىرنا» ۇلتتىق پورتالى
