بۇگىن عانا الماتى قالاسىنىڭ اكىمى بولىپ تاعايىندالعان ەربولات دوساەۆ كىم؟ ءبىز وسى ساۋالعا جاۋاپ ىزدەدىك. سونىمەن...
ە.دوساەۆ 2004 جىلى قر دەنساۋلىق ساقتاۋ ءمينيسترى بولىپ تۇرعاندا شىمكەنت قالاسىندا 150 بالا سپيد جۇقتىردى. سونىڭ سالدارىنان ول وتستاۆكاعا كەتتى. ال ۇلتتىق ەكونوميكا ءمينيسترى بولىپ تۇرعاندا 1.7 ملن گەكتار اۋىلشارۋاشىلىق جەرىن اۋكتسيونعا قويۋ تۋرالى زاڭدى دايىندادى. بىلاي ايتقاندا، ول — قازاقستاننىڭ جەرلەرىن شەتەلدىكتەر مەن قازاقستان ازاماتتارىنا ساتۋعا رۇقسات بەرۋگە ۇسىنىس جاساعان ەكس-مينيستر. سوعان بايلانىستى ول 2016 جىلعى "جەر ساتۋعا قارسى" حالىقتىڭ نارازىلىقتارىنان كەيىن ءوز ەركىمەن وتستاۆكاعا كەتتى.
ال Forbes نۇسقاسى بويىنشا ەربولات دوساەۆ ەكى جىل قاتارىنان، دالىرەك ايتساق، 2013 جانە 2014 جىلدارى قازاقستاننىڭ ەڭ باي 50 ادامىنىڭ تىزىمىنە ەندى. ماسەلەن، ونىڭ 2014 جىلعى بايلىعى 110 000 000 اقش دوللارى بولدى. وعان مۇناي، مۇناي كاسىپشىلىگى قىزمەتتەرى، قارجى، بايلانىس، ت.ب كىرەدى. ال 2013 جىلى $114 000 000 بايلىعىمەن "ەل اۋزىندا" ءجۇردى.
سونداي-اق ول بۇعان دەيىن قر ۇلتتىق بانك توراعاسى قىزمەتىن اتقارعان كەزدە دە حالىق ونىڭ وتستاۆكاعا كەتۋىن تالاپ ەتكەن بولاتىن.
جاڭادان تاعايىندالعان الماتى قالاسىنىڭ اكىمى حالىقتىڭ ويىنان شىعا ما، جوق پا، ميلليونداعان تۇرعىنى بار اسەم قالانى قالاي دامىتادى، ونى ۋاقىت كورسەتەدى...
"ادىرنا" ۇلتتىق پورتالى
