ءبىلىم جانە عىلىم ساپاسىن قامتاماسىز ەتۋ كوميتەتىنە ءبىلىم بەرۋ قىزمەتكەرلەرىنەن ءتۇرلى جاعدايدا اقشا جيناۋعا قاتىستى انونيم شاعىمدار تۇراقتى تۇردە تۇسەدى. بۇل تۋرالى ۆەدومستۆو وكىلدەرى مالىمدەدى، - دەپ حابارلايدى ”ادىرنا” ۇلتتىق پورتالى استانا.تۆ ارناسىنا سىلتەمە جاساپ.
شىعىس قازاقستان وبلىسىندا مۇعالىمدەر اراسىندا اقشا جيناۋعا قاتىستى جانجال شىقتى. سونىمەن قاتار، ءبىلىم بەرۋ قىزمەتكەرلەرى ماسەلەنى سىرتقا شىعارۋعا ۇمتىلمايدى. زايسان قالاسىنداعى بالاباقشا مەڭگەرۋشىسى مەملەكەتتىك اتتەستاتسيادان ءوتۋ ءۇشىن ارىپتەستەرىنەن اقشا جيناپ العان. قر ءبىلىم جانە عىلىم مينيسترلىگىنىڭ مالىمەتىنشە، مامان جۇمىستان بوساتىلعان.
"بىزگە بالاباقشا مەڭگەرۋشىسى مەملەكەتتىك اتتەستاتسيادان وتۋگە قاراجات جيناپ جاتقانى تۋرالى 24 بالاباقشا تاربيەشىسىنەن ءوتىنىش ءتۇستى. بۇل ماسەلەنى قۇزىرلى ورگاندار قاراپ جاتىر", - دەدى شقو ءبىلىم بەرۋ قىزمەتىن ليتسەنزيالاۋ باسقارماسىنىڭ باسشىسى ساۋلە بالتاباەۆا.
“ادىرنا” ۇلتتىق پورتالى
