كادەگە جاراتۋ تولەمى جۇرتشىلىقپەن كەلىسىلىپ بەكىتىلەدى

"كادەگە جاراتۋ الىمىنىڭ مولشەرلەمەسىن قايتا قاراۋ بويىنشا جۇمىس جالعاسىپ جاتىر. مەن ءۇش-ءتورت جۇمىس توبىن جەكە اۆتوكولىك قۇرالدارى، اۋىل شارۋاشىلىعى تەحنيكاسى، كابەل-وتكىزگىش ونىمدەرى، قاپتاما جانە ت.ب. بويىنشا وتكىزدىم.

بۇگىندە كابەل-وتكىزگىش ونىمدەرى بويىنشا كادەگە جاراتۋ الىمىنىڭ مولشەرلەمەسى ءنول بولادى دەگەن شەشىم قابىلداندى. الدىمەن كابەل-وتكىزگىش ونىمدەرى (كوو) بويىنشا تولەمدەردى قابىلداۋ كۇنىن 2023 جىلعى 1 قاڭتارعا دەيىن اۋىستىرۋدى جوسپارلادىق، بىراق سودان كەيىن كوو بويىنشا تولەمنىڭ نولدىك مولشەرلەمەسىن الۋ تۋرالى شەشىم قابىلداندى، ول مەرزىمسىز بولادى. كوو بويىنشا كادەگە جاراتۋ الىمى تولەنبەيدى", - دەدى برەكەشەۆ.

مينيستر "جاسىل دامۋ" اق مىندەتتەمەلەرى كەڭەيگەنىن جانە ول تولىق جۇمىس ىستەيتىنىن ايتتى.

"قازىر تەرگەۋ شارالارى ءجۇرىپ، قۇجاتتار مەن جۇيە وتكىزىلىپ جاتىر. ول جۇيە دەمالىس كۇنى عانا قوسىلدى، ماماندار جۇمىس ىستەپ جاتىر. دۇيسەنبىدەن باستاپ ول قالىپتى رەجيمدە جۇمىس ىستەيدى.

كادەگە جاراتۋ تولەمدەرى قابىلدانادى، مينيسترلىكتە زاڭ بلوگى، تسيفرلىق تەحنولوگيالار، بيۋدجەتتىك جوسپارلاۋ دەپارتامەنتى وكىلدەرىنەن كوميسسيا قۇرىلدى. ولار قازىر جۇمىس ىستەپ جاتىر جانە "وكم وپەراتورىنىڭ" قىزمەتىنە سايكەس اقشا قاراجاتىنىڭ بارلىق ءتۇسىمى مەن شىعىستارىن قارايدى", - دەدى ول.

برەكەشوۆتىڭ ايتۋىنشا، "جاسىل دامۋ" شوتتارىندا شامامەن 220 ميلليارد تەڭگە بار.

ء"بىر بولىگى ۇلتتىق ۆاليۋتادا، ءبىر بولىگى دوللاردا. جۇمىس جۇرگىزىلىپ جاتىر، جاقىن ارادا ءبىز اۆتوكولىكتەر  مەن اۋىل شارۋاشىلىعى تەحنيكاسى بويىنشا كادەگە جاراتۋ الىمىنىڭ مولشەرلەمەسىن بەكىتەمىز", - دەپ سەندىردى برەكەشەۆ.

”ادىرنا” ۇلتتىق پورتالى