پرەزيدەنت قاسىم-جومارت توقاەۆ ناۋرىز ايىنىڭ ورتاسىندا قازاقستان حالقىنا ۇندەۋ جاسايدى. بۇل تۋرالى مەملەكەت باسشىسىنىڭ ءباسپاسوز حاتشىسى بەرىك ءۋالي مالىمدەدى، دەپ حابارلايدى "ادىرنا" ۇلتتىق پورتالى.
بەرىك ءۋالي مەملەكەت باسشىسى 11 قاڭتاردا ءماجىلىس وتىرىسىندا ازاماتتىق قوعاممەن جانە ساراپشىلارمەن اراداعى ديالوگ نەگىزىندە ازىرلەنەتىن ساياسي رەفورمالاردىڭ جاڭا پاكەتىن دايىندايتىنىن مالىمدەگەنىن ەسكە سالدى.
"وسىعان بايلانىستى مەملەكەت باسشىسى ناۋرىز ايىنىڭ ورتاسىندا حالىققا ۇندەۋ جاريالاۋدى جوسپارلاپ وتىر. بۇل ۇندەۋدە رەفورمالاردىڭ نەگىزگى باعىتتارى مەن قوعامدى ساياسي ترانسفورماتسيالاۋعا باعىتتالعان اسا ماڭىزدى شارالار ايقىندالادى", - دەپ جازدى بەرىك ءۋالي ءوزىنىڭ Facebook پاراقشاسىندا.
"ادىرنا" ۇلتتىق پورتالى
