اق ءۇيدىڭ رەسمي سايتىندا حابارلانعانداي، دجو بايدەن ۆلاديمير پۋتينمەن تەلەفون ارقىلى سويلەسۋ بارىسىندا رەسەيگە ۋكرايناعا باسىپ كىرۋدىڭ سالدارى تۋرالى ەسكەرتتى، دەپ حابارلايدى "ادىرنا" ۇلتتىق پورتالى.
«پرەزيدەنت بايدەن ەگەر رەسەي ۋكرايناعا ودان ءارى باسىپ كىرەتىن بولسا، اقش ءبىزدىڭ وداقتاستارىمىز بەن سەرىكتەستەرمەن بىرگە رەسەي ءۇشىن تەز ارادا اۋىر زارداپتارعا اكەلەتىن جىلدام ءارى باتىل جاۋاپ قايتاراتىنىن ايتتى»، - دەلىنگەن حابارلامادا.
بايدەن امەريكا قۇراما شتاتتارى وداقتاستارمەن جانە سەرىكتەستەرمەن ۇيلەستىرۋ ارقىلى ديپلوماتيامەن اينالىسۋعا دايىن ەكەنىن، بىراق سونىمەن بىرگە "باسقا ستسەناريلەرگە"دە دايىن ەكەنىن مالىمدەدى.
«پرەزيدەنت بايدەن رەسەيدىڭ ۋكرايناعا ودان ءارى باسىپ كىرۋى ادامزاتقا جاپپاي قايعى-قاسىرەت اكەلەتىنىن جانە رەسەيدىڭ پوزيتسياسىن السىرەتەتىنىن اتاپ ءوتتى»، - دەلىنگەن اق ءۇي مالىمدەمەسىندە.
ريا نوۆوستي رەسەي باسشىسىنىڭ كومەكشىسى يۋري ۋشاكوۆقا سىلتەمە جاساي وتىرىپ، رەسەي مەن اقش پرەزيدەنتتەرى ءبىر ساعاتتان استام ۋاقىت سويلەسكەنىن حابارلادى. ونىڭ ايتۋىنشا، «اڭگىمە سالماقتى، ىسكەرلىك سيپاتتا بولدى».
ونىڭ ايتۋىنشا، اق ءۇي باسشىسى ۋكراينا توڭىرەگىندەگى شيەلەنىستى جاعداي اياسىندا رەسەيگە قارسى ىقتيمال سانكتسيالاردى اتاعانىمەن، بۇل ماسەلەگە نازار اۋدارىلعان جوق. ۋشاكوۆ اقش رەسەيدىڭ ۋكرايناعا باسىپ كىرۋ مۇمكىندىگىن العا تارتىپ، پۋتينمەن تەلەفون ارقىلى سويلەسۋدى سۇراعانىن ايتتى.
"ادىرنا" ۇلتتىق پورتالى
