وسى دەمالىس كۇندەرى الماتىدا قايعىلى وقيعالاردىڭ باستالعانىنا 40 كۇن تولدى. قالا تۇرعىندارى قاڭتاردىڭ قاندى اپتاسىن ۇرەيمەن ەسكە الادى. رەسمي مالىمەتتەر بويىنشا، تارتىپسىزدىك كەزىندە بارلىعى 225 ادام مايىتحاناعا جەتكىزىلدى. ونىڭ 19-ى-پوليتسيا جانە اسكەري قىزمەتكەرلەر. 4,5 مىڭنان استام ازامات زارداپ شەكتى. وسى ۋاقىتقا دەيىن ۇزىلگەن تاعدىرلاردىڭ جاڭا وقيعالارى كۇن سايىن پايدا بولۋدا. زارداپ شەككەندەر مەن قازا تاپقانداردىڭ تۋىستارى حالىقتان كومەك سۇرايدى. ال سول كۇندەرى قورلانعان ايەلدەر جاعدايلارىن ايتىپ ەندى كەلىپ جاتىر. وسىلايشا، بۇرىن بەلگىسىز بولعان فاكتىلەر ناقتىلانۋدا، دەپ حابارلايدى "ادىرنا" ۇلتتىق پورتالى كتك ارناسىنا سىلتەمە جاساپ.
«اقيقات» قوعامدىق كوميسسياسىنىڭ قاڭتار ايىنداعى وقيعالاردى تەرگەۋ جونىندەگى جەتەكشىسى ايمان وماروۆا ايەلدەردىڭ ءبىرىنىڭ سول كۇنى توپتىق زورلاۋعا ءتۇسىپ قالعانىن ايتىپ بەردى.
«بىراق ول ارىز جازعىسى كەلمەيدى، ال مەن ادامدى ارىز جازۋعا ماجبۇرلەي المايمىن. سول كۇنى توپتىق زورلاۋ بولدى. ولار ونى سۇيرەپ زورلادى. ونىڭ شوك العانى سونشالىقتى، «تاني الاسىڭ با؟» دەگەندە، «ءبىرىن عانا، قالعاندارىن جوق» دەدى”، – دەپ مالىمدەدى ايمان وماروۆا.
الماتىداعى تارتىپسىزدىكتەر كەزىندە قازا تاپقانداردىڭ اراسىندا وقيعانىڭ ەپيتسەنترىنە كەزدەيسوق تاپ بولعان ونداعان ادام بار. سودىرلار كوشەدە بەيبىت تۇرعىندارعا شابۋال جاساپ، جەكە كولىكتەرىن ايداپ كەتىپ وتىرعان. ال جۇرگىزۋشىلەر مەن جولاۋشىلار جەرگە قۇلاپ، اياۋسىز قاتتى سوققىعا جىعىلعان. كەيىن كوپتەگەن زارداپ شەككەندەر اۋرۋحانالاردا كوز جۇمدى. كەيبىر ايەلدەر قازىر عانا قۇقىق قورعاۋشىلارعا زورلاۋ فاكتىلەرى تۋرالى ەندى ايتىپ جاتىر.
قوعامدىق بەلسەندىلەر مەن زاڭگەرلەر زارداپ شەككەندەردىڭ وتباسىلارىنا كومەكتەسۋگە تىرىسۋدا. ولاردىڭ بارلىعى دەرلىك پسيحولوگتاردىڭ قولداۋىنا مۇقتاج دەيدى. سولاردىڭ ءبىرى اعاسىن ىزدەپ جاڭاوزەننەن الماتىعا كەلگەن مەيىرگۇل قاناتپاەۆا. قاڭتار ايىنىڭ باسىندا ءىز-ءتۇسسىز جوعالعان تۋىستارىن ىزدەپ جۇرگەندەر دە كومەك سۇراپ جاتىر. سولاردىڭ ءبىرى – مەيىرگۇل قاناتپاەۆا. بۇگىن جاڭاوزەننەن الماتىعا اعاسىن ىزدەپ كەلدى.
“مەن 1993 جىلى دۇنيەگە كەلگەن اعام ماقسەت قاناتپاەۆتى ىزدەپ ءجۇرمىن. ءوزىم جاڭاوزەندە تۇرامىن. الماتىعا اعامدى ىزدەۋ ءۇشىن ارنايى كەلدىم. ول 6 قاڭتاردا الماتىعا كەلىپ، سول كۇنى جوعالىپ كەتتى. سول ساتتەن باستاپ ونىڭ قايدا ەكەندىگى بەلگىسىز. اعامدى كورگەندەر بولسا، تاۋىپ بەرۋگە كومەكتەسىڭىزدەرشى، – دەيدى مەيىرگۇل قاناتپاەۆا.
"ادىرنا" ۇلتتىق پورتالى
