قازاقستان رەسپۋبليكاسى ۇكىمەتىنىڭ قاۋلىسىمەن ايجان سەرىكبايقىزى ەسماعامبەتوۆا قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى — قازاقستان رەسپۋبليكاسىنىڭ باس مەملەكەتتىك سانيتارلىق دارىگەرى بولىپ تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
ايجان ەسماعامبەتوۆا 1972 جىلى الماتى وبلىسىندا تۋعان. 1997 جىلى الماتى مەملەكەتتىك مەديتسينا ۋنيۆەرسيتەتىن، قازاقستان مەديتسينا ۋنيۆەرسيتەتىن (قوعامدىق دەنساۋلىق ساقتاۋ جوعارى مەكتەبى), الماتى مەنەدجمەنت ۋنيۆەرسيتەتىن بىتىرگەن.
ەڭبەك جولىن 1990 جىلى الماتى قالاسىنداعى №7 ەمحانادا فەلدشەر-زەرتحاناشى بولىپ باستاعان.
1997-2004 جج. رەسپۋبليكالىق سانيتارلىق-ەپيدەميولوگيالىق ستانتسياسىنىڭ اسا قاۋىپتى ينفەكتسيالار بولىمىندە دارىگەر-ەپيدەميولوگ، دارىگەر-باكتەريولوگ، زەرتحانا مەڭگەرۋشىسى بولىپ جۇمىس ىستەدى.
2004-2014 جج. قر دسم مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ قۇرىلىمىندا ءتۇرلى لاۋازىمدار اتقاردى.
2013 جىلى قر دسم مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ توراعاسى بولىپ تاعايىندالدى.
2014 ج. – قر تۇتىنۋشىلاردىڭ قۇقىقتارىن قورعاۋ اگەنتتىگىنىڭ ەپيدەميولوگيالىق قاداعالاۋ دەپارتامەنتىنىڭ ديرەكتورى – باس مەملەكەتتىك سانيتارلىق دارىگەردىڭ ورىنباسارى.
2014-2017 جج. – قر ۇەم تۇتىنۋشىلاردىڭ قۇقىقتارىن قورعاۋ كوميتەتىنىڭ ەپيدەميولوگيالىق قاداعالاۋ باسقارماسىنىڭ باسشىسى.
2017 ج. – قر دسم ستراتەگيالىق دامۋ جانە قوعامدىق دەنساۋلىق ساقتاۋ دەپارتامەنتىنىڭ ديرەكتورى. 2017-2020 جج. – قر قوعامدىق دەنساۋلىق ساقتاۋ ساياساتى دەپارتامەنتىنىڭ ديرەكتورى.
2020 ج. – قر دسم تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى توراعاسىنىڭ ورىنباسارى.
2020 جىلعى قازاننان قازىرگى ۋاقىتقا دەيىن قر دسم سانيتارلىق-ەپيدەميولوگيالىق باقىلاۋ كوميتەتىنىڭ توراعاسى بولىپ جۇمىس ىستەدى.
"ادىرنا" ۇلتتىق پورتالى
