رەسپۋبليكا بويىنشا سۇيىتىلعان گاز باعاسى 50-70 تەڭگە ارالىعىندا، دەپ حابارلايدى "ادىرنا" ۇلتتىق پورتالى azattyq-ruhy.kz-كە سىلتەمە جاساپ.
باعا وبلىستاردىڭ الشاقتىعىنا بايلانىستى بەكىتىلەدى. مىسالى، ماڭعىستاۋ وبلىسىندا 50 تەڭگە، ال الىس وبلىستاردا باعا 75 تەڭگەدەن اسپاۋى ءتيىس.
«بولاشاقتا تۇتىنۋشىلاردىڭ كولەمى وستەتىن بولسا، بىزگە گاز قاجەت بولادى. قازىر «قازاق گاز وڭدەۋ زاۋىتى» جشس جاڭارتۋ جۇمىستارى ءجۇرىپ جاتىر. بۇعان قوسا، جاڭا گاز زاۋىتى سالىنادى دەگەن جوسپار بار. كەلەر جىلى ىسكە قوسىلادى. قازىر گازدىڭ 50 تەڭگە دەپ بەكىتىلگەن باعاسى وتە تومەن. بۇل رەتتە، تۇتىنۋشىلار مەن قاتار، گاز وڭدەيتىن زاۋىتتاردىڭ ەكونوميكالىق تيىمدىلىگىن ويلاۋ كەرەك. باعانى كوتەرمەس ءۇشىن ارنايى ەرەجەلەر دايىنداپ جاتىرمىز. بەكىتىلگەن باعادان جوعارى سوما قويىپ ساتىپ جاتقاندار بولسا، ونى انىقتايمىز»، دەيدى ورتالىق كوممۋنيكاتسيالار قىزمەتىندە وتكەن جيىندا ەنەرگەتيكا ءمينيسترى بولات اقشولاقوۆ.
ونىڭ ايتۋىنشا، قازاقستان بويىنشا تابيعي گازبەن جابدىقتاۋ كولەمى 58%-دى قۇرايدى. بۇل كولەمدى ارتتىرۋ ءۇشىن ارنايى باعدارلاما ىسكە اسادى. قوسىمشا قاراجات كولەمىن تارتۋ كوزدەلگەن.
"ادىرنا" ۇلتتىق پورتالى
