"قازگيدرومەت" قازاقستانداعى 15-17 اقپانعا ارنالعان اۋا رايى بولجامىن جاريالادى، دەپ حابارلايدى "ادىرنا" سايتى.
سينوپتيكتەردىڭ بولجامى بويىنشا، ەلىمىزدىڭ سولتۇستىك ايماقتارىندا كۇن اشىق بولعانىمەن، تۇنگى ۋاقىتتا تومەنگى تەمپەراتۋرا ساقتالادى. 15 جانە 16 اقپانعا قاراعان ءتۇنى تەرمومەتر باعانى 18-23 گرادۋس، ال كەي ايماقتاردا 27 گرادۋس ايازعا دەيىن سۋىتپاق.
شىعىس جانە وڭتۇستىك-شىعىستا انتيتسيكلون ىعىسۋى سالدارىنان 17 اقپاندا جاۋىن-شاشىن توقتاپ، اۋا تەمپەراتۋراسىنىڭ تومەندەۋى كۇتىلەدى. بۇل كۇندەرى تۇنگى اۋا تەمپەراتۋراسى رەسپۋبليكانىڭ شىعىسىندا 25-30 گرادۋسقا، وڭتۇستىك-شىعىستا 20-25 گرادۋسقا دەيىن تومەندەيدى.
"ادىرنا" ۇلتتىق پورتالى
