تۇڭعىش پرەزيدەنتتىڭ ەكس-كەڭەسشىسى ەرمۇحامەت ەرتىسباەۆتىڭ ايتۋىنشا ەلباسى 2012 جىلى پرەزيدەنتتىكتەن كەتۋى كەرەك ەدى، ال نازارباەۆ بيلىگىنىڭ بۇگىنگىدەي اياقتالۋى ونىڭ «جارقىن ساياسي مانسابىنا نۇقسان كەلتىردى»، دەپ جازادى "ادىرنا" سايتى. بۇل تۋرالى ول Orda news ارناسىنا بەرگەن سۇحباتىندا باياندادى.
ەرتىسباەۆتىڭ ايتۋىنشا، «ەگەر نازارباەۆ دوللار باعامى 125 تەڭگە بولعاندا كەتىپ قالسا، ەل ەسىندە ۇلى تۇلعا رەتىندە قالار ەدى». بىراق 2011 جانە 2015 جىلدارداعى ەكى «پرەزيدەنتتىك سايلاۋ ناۋقانىنان» كەيىن تاعى ءۇش دەۆالۆاتسيا حالىقتىڭ ۇلتتىق ۆاليۋتاعا دەگەن سەنىمىن جويىپ جىبەردى. بيلىكتىڭ ەلباسىدان كەيىن توقاەۆقا وتۋىنە حالىق تا، ساياسي ەليتا دا كۇمانمەن قارادى.
