ۇلتتىق قاۋىپسىزدىك كوميتەتى توراعاسىنىڭ تاعى ءبىر ورىنباسارى ۇستالدى دەپ حابارلادى “ادىرنا” ۇلتتىق پورتالى كوميتەتكە سىلتەمە جاساپ.
ۇلتتىق قاۋىپسىزدىك كوميتەتى بۇرىنعى ۇقك توراعاسى ك. ماسىموۆكە، ۇقك توراعاسىنىڭ بۇرىنعى ورىنباسارلارى ءا. سادىقۇلوۆقا، د. ەرعوجينعا جانە باسقالارعا قاتىستى بيلىكتى كۇشتەپ باسىپ الۋ، مەملەكەتكە وپاسىزدىق جاساۋ جانە لاۋازىمدىق وكىلەتتىگىن اسىرا پايدالانۋ فاكتىلەرى بويىنشا سوتقا دەيىنگى تەرگەۋدى جالعاستىرىپ جاتىر.
سونىمەن قاتار، 22 اقپاندا لاۋازىمدىق وكىلەتتىگىن اسىرا پايدالانۋ كۇدىگى بويىنشا ۇقك توراعاسىنىڭ بۇرىنعى ورىنباسارى ءوسىپوۆ م.س. ۇستالدى.
23 اقپاندا سوت سانكتسياسىمەن وعان قاتىستى قاماۋدا ۇستاۋ شاراسى قولدانىلدى.
وزگە اقپارات تەرگەۋ مۇددەسىندە جاريالاۋعا جاتپايدى.
