بۇل ءسوزدى، "بىزگە پۋتيندىك رەسەي كەرەك ەمەس، پۋشكيندىك رەسەي كەرەك!"-دەپ، 2014 جىلى قازاقتىڭ كورنەكتى اقىنى تەمىرحان مەدەتبەك ايتىپ ەدى. الماتىدا ۇلتتىق كىتاپحانادا ماعان قازاقستاندا تۇڭعىش رەت رەسەي حالىقارالىق جازۋشىلار وداقتارى قاۋىمداستىعىنىڭ سەرگەي ەسەنين اتىنداعى سىيلىعى – «التىن كۇز» وردەنىن تاپسىرۋ سالتاناتىندا رەسەيدەن كەلگەن جازۋشىلارعا قاراتا ايتقان ەدى…
ءبىر قىزىعى ەسەنين سىيلىعىن ماعان بەلگىلى ۋكراين جازۋشىسى، م.شولوحوۆتىڭ ايگىلى “تىنىق دونىن” ۋكراين تىلىنە اۋدارعان ۆلاديمير سەرەدين تابىس ەتىپ ەدى…
پۋشكين مەن ءپۋتيننىڭ ەلدەرى ءبىر بولعانمەن ەرلەرى ءبىر ەمەس! ونى قازىر سوعىسقا قارسى شىعىپ جاتقان رەسەي حالقىنىڭ، ەسىمدەرى الەمگە ايگىلى زيالىلارىنىڭ پۋتينگە، سوعىسقا قارسى قول جيناپ، كوشەگە شىعۋىنان دا كورۋگە بولادى.
تاعى شايقالا باستاعاننىڭ ميى شايقالا باستايدى!
شاماسى، رەسەي پرەزيدەنتى ۆلاديمير پۋتين ءوزىنىڭ ءبىر كەزدە ايتقان بەلگىلى ءسوزىن ۇمىتىپ قالعان سياقتى. ول كەڭەس وداعىن قايتا قالپىنا كەلتىرۋگە ۇمتىلۋ تۋرالى سۇراققا: "كەڭەس وداعىن قايتا ورناتقىسى كەلگەندەردىڭ جۇرەگى بار، بىراق ميى جوق" دەگەن ەدى...
تاعى شايقالا باستاعاننىڭ ميى دا شايقالا باستايدى. ء(دال وسىنداي تاقىرىپپەن وسىدان ەكى جىل بۇرىن ماقالا جازىپ ەدىك.) بۇنى ءپۋتينننىڭ كەيىنگى كەزدە تاۋەلسىز مەملەكەتتەرگە تاس لاقتىرا بەرگەن ارانداتۋ سوزدەرى انىق ايقىنداپ بەردى. ياعني، ءپۋتيننىڭ ءوزى ءوزىنىڭ كەزىندە ايتقان ايگىلى ءسوزىنىڭ كەيىپكەرىنە اينالا باستادى... ونى تاۋەلسىز ۋكرايناعا باسقىنشىلىق شابۋىلى دا ايقىن كورسەتۋدە.
تاريحتا قانداي ەل بولسىن، تەك وتانىن قورعاۋدا، ياعني ادىلەتتى دە، قاسيەتتى سوعىستا عانا جەڭىسكە جەتەتىنى ايقىن! ال ۋكراين اعايىندارعا ۇلى وتانىن قورعاۋدا ۇلى جەڭىس تىلەيمىز!
قازىبەك يسا
