ديماش قۇدايبەرگەن قايىرىمدىلىق ۇيىمىمەن بىرلەسىپ، نۇر-سۇلتان قالاسىنداعى ۇلتتىق عىلىمي ونكولوگيا ورتالىعىنا مەديتسينالىق جابدىقتار مەن ماتەريالداردى سىيعا تارتتى دەپ حابارلايدى “ادىرنا” ۇلتتىق پورتالى ديماش قۇدايبەرگەننىڭ رەسمي سايتىنا سىلتەمە جاساپ.
2021 جىلعى 16 قاڭتاردا ديماش قۇدايبەرگەن Tixr امەريكاندىق پلاتفورماسىندا قايىرىمدىلىق سيپاتى بار Project C. U. R. E. كوممەرتسيالىق ەمەس ۇيىمىمەن بىرگە «Dimash Digital Show» ونلاين-كونتسەرتىن وتكىزدى.
ديماش پەن project C. U. R. E. قايىرىمدىلىق ۇيىمىنىڭ بىرلەسكەن جۇمىسىنىڭ ناتيجەسىندە نۇر-سۇلتان قالاسىنىڭ ۇلتتىق عىلىمي ونكولوگيا ورتالىعىنا مەديتسينالىق جابدىقتار مەن ماتەريالدار جەتكىزىلدى.
مەديتسينالىق ورتالىققا كەرەۋەتتەر، مۇمكىندىگى شەكتەۋلى جاندارعا ارنالعان اربالار، حيرۋرگيالىق باس كيىمدەر، قولعاپتار، حيرۋرگيالىق ماسكالار، كوزىلدىرىكتەر، بەتپەردەلەر، N-95 حالاتتار مەن ماسكالار بەرىلدى. 2022 جىلدىڭ 21 اقپانىندا «DimashAli» شىعارماشىلىق ورتالىعىنىڭ جەتەكشىسى قانات ايتباەۆ، «DimashNews» رەداكتسياسى جانە جوبا ۇيلەستىرۋشىسى قىمبات جاقىپوۆا «ۇعوو» بارىپ، جەتكىزىلگەن جۇكتى قاراپ، ورتالىق قىزمەتكەرلەرىمەن اڭگىمەلەستى.
«ۇعوو» باسقارما توراعاسىنىڭ ءبىرىنشى ورىنباسارى قانات سىزدىقۇلى ساتىباەۆ «DimashNews» تىلشىسىنە بەرگەن سۇحباتىندا:
«قازىرگى ۋاقىتتا الەمدەگى ەپيدەميولوگيالىق جاعدايدا ونكولوگيالىق ناۋقاستاردى ەمدەۋگە ارنالعان جابدىقتار مەن ماتەريالداردى ورتالىق بەلسەندى قولدانىپ جاتىر. كەرەۋەتتەر پالاتالارعا ورناتىلادى، مەديتسينالىق ماتەريالدار قىزمەتكەرلەر مەن پاتسيەنتتەردىڭ قاۋىپسىزدىگىن قامتاماسىز ەتۋدە»، – دەدى.
كوروناۆيرۋس ينفەكتسياسى بار ونكوگەماتولوگيالىق ناۋقاستارعا ارنالعان مامانداندىرىلعان بولىمدە جۇمىس ىستەۋ كەزىندە جەكە قورعانىس قۇرالدارى ەرەكشە ءرول اتقارادى.
بۇل بولىمشە «ۇعوو» بازاسىندا اشىلدى، ويتكەنى مۇنداي پاتسيەنتتەردى جالپى بەيىندەگى ستاتسيونارلارعا جاتقىزۋ ونكولوگيالىق ناۋقاستارداعى نولدىك يممۋنيتەتتىڭ سالدارىنان وتە ۇلكەن قاۋىپكە يە.
كەزدەسۋ قورىتىندىسى بويىنشا قانات ساتىباەۆ «ۇعوو» اتىنان كورسەتىلگەن گۋمانيتارلىق كومەك ءۇشىن العىسىن جەتكىزدى.
ديماش قۇدايبەرگەنگە ونىڭ جۇمىسىندا تابىس تىلەپ، اۋىر سىرقاتتىڭ سالدارىنان ومىردە ىنتاسىن جوعالتقان كوپتەگەن پاتسيەنتتەر ءۇشىن شىعارماشىلىققا باۋلۋ وتە ماڭىزدى ءسات بولىپ تابىلاتىنىن جانە ادامداردىڭ ءارى قاراي ءومىر سۇرۋىنە كومەكتەسەتىنىن اتاپ ءوتتى.
«بۇل كومەك ءبىز ءۇشىن شىنىمەن مۇمكىن بولاتىن كومەك بولدى. جوعارىدا ايتقانىمداي، ءبىزدىڭ ورتالىقتىڭ نەگىزىندە ونكولوگيالىق ناۋقاستارعا ارنالعان COVID-بولىمشەسى اشىلدى، سوندىقتان ءبىز ولاردى كوۆيدتىك ستاتسيونارعا جىبەرمەيمىز جانە ولار وسىندا ەمدەلدى. بىزگە وسىنداي مىندەت قويىلدى، ءبىز ونى تولىعىمەن ىسكە اسىردىق جانە بىزگە بەرىلگەن گۋمانيتارلىق كومەكتى قولداندىق. ءبىز بۇل مۇمكىندىكتى ناۋقاستارىمىزدىڭ يگىلىگى ءۇشىن ودان ءارى پايدالانۋدى جالعاستىرامىز. ءبىر ادامنىڭ ءومىرىن قۇتقارۋ – ۇلكەن ماراپات» ، – دەدى قانات ساتىباەۆ.
ۇلتتىق عىلىمي ونكولوگيالىق ورتالىق 2018 جىلى قۇرىلدى جانە بۇگىنگى كۇنى ورتالىق ازيا ءوڭىرى ەلدەرىندە ونكولوگيا سالاسىنداعى جەتەكشى عىلىمي ورتالىق سانالادى.
ونكولوگيا ورتالىعىندا جوعارى بىلىكتى ماماندار حالىقارالىق ستاندارتتارعا سايكەس پاتسيەنتتەرگە ونكولوگيالىق كومەك كورسەتەدى، ونكولوگيالىق ىسىكتەر بويىنشا وپەراتسيالاردىڭ بارلىق تۇرلەرىن جۇرگىزەدى، سونداي-اق بۇيرەك پەن باۋىر اۋىستىرىپ سالۋدى جۇزەگە اسىرادى.
قازىرگى ۋاقىتتا ەلوردادا جوعارى تەحنولوگيالىق جابدىقتارمەن جابدىقتالعان جاڭا ونكولوگيالىق ورتالىق سالۋ جوباسى ىسكە اسىرىلۋدا، وندا حالىقارالىق تاجىريبە بەلسەندى پايدالانىلادى.
ۇلتتىق ونكولوگيا ورتالىعىندا ەڭ وزىق تەحنولوگيالار، ساۋلەلىك، لازەرلىك، پروتوندىق جانە يادرولىق مەديتسينا بولىمشەلەرى ۇسىنىلاتىن عىلىمي-زەرتتەۋ زەرتحانالارىن، ءبىلىم جانە كلينيكالىق بازانى قامتيتىن حالىقارالىق دەڭگەيدەگى جەتەكشى ورتالىققا اينالادى دەپ جوسپارلانعان.
پاتسيەنتتەر قازاقستان اۋماعىندا ەرتە دياگنوستيكادان باستاپ جوعارى تەحنولوگيالىق ەمدەۋ مەن وڭالتۋعا دەيىنگى مەديتسينالىق كومەكتىڭ بۇكىل كەشەنىن شەتەلگە شىقپاي-اق الا الادى.
”ادىرنا” ۇلتتىق پورتالى
