دوستار، سوڭعى وقيعالار ميلليونداعان ادامداردىڭ جوسپارىن تولىعىمەن بۇزدى. رەسەيدىڭ ۋكراينامەن سوعىسى تمد كەڭىستىگىندەگى ەڭ باستى جاڭالىق بوپ تۇر. تەك تمد-دا عانا ەمەس.
بۇكىل الەمدە، ويتكەنى بۇل جاعداي بۇكىل الەممەن يادرولىق قاقتىعىسقا ۇلاسۋى مۇمكىن. بۇل جاعدايدا قانداي دا ءبىر بيزنەس تۋرالى ايتۋ مۇلدەم ورىنسىز ەكەنى انىق.
الايدا، مەنىڭ ويىمشا، مۇنداي جاعدايدا دا ويلانىپ، ءىس-قيمىل جوسپارىن قۇرىپ وتىرۋ پايدالى بولماق. اركىمنىڭ ەشنارسەگە قاراماستان قامقورلىق تانىتۋى ءتيىس ءوز وتباسىلارى بار.
قانداي جاعداي بولماسىن، جاسالۋى ءتيىس بەلگىلى ءبىر قادامداردى انىقتاۋعا تىرىسايىق.
⠀
1. بىرىنشىدەن، كەز-كەلگەن قيىندىق ەكى كومپونەنتتەن تۇرادى. ءسىز باسقارا الاتىن جانە باسقارا المايتىن نارسەدەن. وسى ارادا ءوزىڭىز باسقارا الاتىن نارسەگە عانا نازار اۋدارىڭىز. بۇل سىزگە بەي-جاي كۇيدەن شىعۋعا جانە ءوز ستسەناريىڭىزدى جاقسارتۋ ءۇشىن كەم دەگەندە ءبىر نارسە جاساۋعا كومەكتەسەدى.
⠀
2. ەكىنشىدەن، ەسىڭىزدە بولسىن، بارلىق قاتە شەشىمدەر ەموتسيونالدى كۇيدە بولعاندا قابىلدانادى. سوندىقتان، بارىنشا تىنىشتالىڭىز، ميىڭىزدى ىسكە قوسىڭىز دا، ارەكەتكە كىرىسىڭىز.
⠀
3. ءوز اقشاڭىزعا نەمەسە تابىس كوزىنە مۇقيات بولىڭىز. بۇل كەڭەس نەگىزىنەن قازاقستاندىقتارعا قاتىستى. بارلىق اقشانى ۆاليۋتاعا ايىرباستاڭىز. ءبىر بولىگىن بانكتتەردەن شەشىپ الىپ، ۇيدە ۇستاعان ءجون. كىشكەنە بولىگىن ايىرباستاۋعا جانە كريپتادا ساقتاۋعا بولادى.
⠀
ايىرباستايتىن نە كريپتادا ساقتايتىنداي قاراجاتى جوقتار، جۇمىس تۋرالى ويلانۋى كەرەك. جۇمىستان شىعىپ قالعان جاعدايدا نە ىستەيسىز. جوسپارىڭىزدى الدىن-الا دايىنداڭىز. ەڭ بولماسا، شاعىن قور جيناقتاڭىز. اقشانى قيىن-قىستاۋ كۇندەر ءۇشىن ۇنەمدەپ، جيناقتاڭىز.
⠀
ۋكرايندارعا ايتارىمدى ايتتىم. قازىر ۋكراينادا بيزنەس جۇرگىزۋ تۋرالى ايتۋ ورىنسىز. وندا ءومىردى ساقتاپ قالۋ ماسەلەسى تۇر. بارلىعى مايدان ءۇشىن - ءبارى جەڭىس ءۇشىن!
⠀
رەسەيگە قايتادان 90-شى جىلدار ورالا ما دەپ قورقامىن. وندا تاپشىلىق، باعانىڭ ءوسۋى، جوعارى ينفلياتسيا جانە بانديتيزم ورىن الۋى مۇمكىن. مۇنداي جاعدايدا ءومىر ءسۇرۋ مۇمكىن ەمەس دەپ ايتا المايمىن. ءبارى دە مۇمكىن، قانداي تاڭداۋ جاساپ جاتقانىڭىزدى ناقتى ءبىلىپ، ءتۇسىنۋىڭىز كەرەك جانە كەز-كەلگەن جاعدايعا دايىن بولۋىڭىز كەرەك. قازىر ارانداتۋشىلىققا بوي الدىرماۋ جانە بۇقارالىق اقپارات قۇرالدارىندا تاراتىلعاننىڭ بارىنە سەنە بەرمەۋ كەرەك. سىن تۇرعىسىنان ويلانا ءبىلىڭىز.
⠀
ەگەر ەلدەن كەتۋ مۇمكىندىگى بولسا، مۇنى مۇمكىندىگىنشە تەزىرەك جاساۋ كەرەك، ويتكەنى شەكارالار جابىلىپ، ۆاليۋتا ەكسپورتى بىرتىندەپ توقتاي باستادى. اقشاڭىزدى كريپتاعا اۋدارساڭىز، كەيىن كەز-كەلگەن ەلدە كريپتانى ساتۋ ارقىلى ءوز اقشاڭىزدى قايتارا الاسىز. بۇل قازىر ورتالىق بانكتى اينالىپ ءوتىپ، اقشاڭىزدى ەلدەن شىعارۋدىڭ جالعىز ءتاسىلى.
⠀
ەندى مەن ءار پوستىمدا وسىنداي جاعدايلارعا قالاي بەيىمدەلۋ كەرەكتىگى تۋرالى كەڭەستەر بەرىپ وتىرامىن. باستان وتكەرگەن داعدارىستار تاجىريبەسى جەتەرلىك. راس، سوعىستى كورمەگەن ەدىم، مەن ءۇشىن دە بۇل داعدارىس ءبىرىنشى رەت ورىن الىپ وتىر. سوندىقتان جازبالارىمدى نازاردان تىس قالدىرماڭىزدار.
⠀
بىردەن ەسكەرتەيىن، مەن بارلىق ۆاتنيكتەردى جانە رەسەيدىڭ رەسمي ۇگىت-ناسيحاتىنا الدانعان ادامداردى بىردەن بانعا جىبەرەمىن. مۇندا تەك جاڭا جاعدايعا قالاي بەيىمدەلۋ كەرەكتىگىن تۇسىنگىسى كەلەتىن سىني ويلاۋ قابىلەتى بار ادامدار عانا.
مارعۇلان سەيسەمباي
