JUZ Entertainment پروديۋسەرلىك كومپانياسىمەن Ninety one توبىنىڭ كەلىسىمشارتىنىڭ ۋاقىتى ءبىتتى. 8 جىل بۇرىن جاسالعان كەلىسىمشارتتىڭ مەرزىمى 2022 جىلى اياقتالدى.
توپ مۇشەلەرى شىعارعان اندەر، بويزبەندتىڭ اتى دا وزدەرىندە قالدى.
سوڭعى ءۇش جىل بويى توپ ءوزىنىڭ بارلىق كونتەنتىن پروديۋسەرلىك اگەنتتىكتىڭ قاتىسۋىنسىز جاساپ كەلەدى. بۇل ەڭبەك قاتىناستارىنىڭ اياقتالۋىنا سەبەپ بولدى.
ايتا كەتەيىك، Ninety One 2015 جىلى «ايىپتاما» انىمەن دەبيۋت جاساعان قازاقستاندا q-pop جانرىنا جول اشقان العاشقى توپ. بۇل انگە تۇسىرىلگەن بەينەكليپ 20 اپتا بويى قازاقستاننىڭ مۋزىكالىق ارنالارىنىڭ حيت-پارادتارىندا كوش باستاپ تۇردى.
توپتىڭ پروديۋسەرى قازاق مۋزىكالىق وردا توبىنىڭ مۇشەسى ەربولات بەدەلحان بولدى.
“ادىرنا” ۇلتتىق پورتالى
