14 ناۋرىزدان باستاپ eGov.kz پورتالىنىڭ پايدالانۋشىلارى ءۇشىن لوگين/پارول جانە ءبىر رەتتىك سمس ارقىلى كىرۋ جەكە-جەكە قول جەتىمسىز بولادى، دەپ حابارلادى پورتالدىڭ Telegram-كانالى. بۇل تۋرالى "ادىرنا" ۇلتتىق پورتالى جازادى.
eGov.kz پورتالىنا كىرۋ ءۇشىن پايدالانۋشىلار:
• لوگين / جسن ەنگىزۋ;
• قۇپياسوزدى ەنگىزۋ;
• ءموبيلدى ازاماتتار بازاسىندا تىركەلگەن تەلەفون نومىرىنە جىبەرىلەتىن ءبىر رەتتىك سمس-كودتى ەنگىزۋ ارقىلى كىرۋدى راستاۋ قاجەت. وسىلايشا قاۋىپسىزدىكتىڭ جوعارى دەڭگەيى قامتاماسىز ەتىلەدى.
«ەلەكتروندىق-تسيفرلىق قولتاڭبا (ەتسق), بيومەتريا جانە eGov mobile موبيلدىك قوسىمشاسىنىڭ كومەگىمەن QR-كودتى سكانەرلەۋ ارقىلى كىرۋ اۋتەنتيفيكاتسيا ادىستەرى وزگەرىسسىز قالادى. 2FA نەمەسە ەكى فاكتورلى اۋتەنتيفيكاتسيا – بۇل پايدالانۋشىنى يدەنتيفيكاتسيالاۋ ءادىسى. بۇل ءادىس ارقىلى ءسىز ءوزىڭىزدىڭ اككاۋنتىڭىزدىڭ يەسى ەكەنىڭىزدى ەكى ءتۇرلى جولمەن راستاۋىڭىز كەرەك. ونىڭ كومەگىمەن ءسىزدىڭ دەرەكتەرىڭىزگە ءۇشىنشى تۇلعالارعا قول جەتكىزۋ الدەقايدا قيىن»، – دەلىنگەن حابارلامادا.
"ادىرنا" ۇلتتىق پورتالى