اقوردانىڭ ءباسپاسوز قىزمەتىنىڭ «بورت N1» Telegram ارناسى پرەزيدەنت قاسىم-جومارت توقاەۆتىڭ ستۋدەنتتىك كەزىندەگى مۇراعات سۋرەتىن جاريالادى، دەپ حابارلايدى "ادىرنا" ۇلتتىق پورتالى.
– پرەزيدەنت جالپى گازەت-جۋرنالدى جاس كەزىنەن كوپ وقيدى. مىنا فوتو قاسىم-جومارت كەمەلۇلىنىڭ ستۋدەنتتىك شاعىنان. ماسكەۋ قالاسى، ممحقي جاتاقحاناسى، 1975 جىل", - دەپ جازىلعان سۋرەت سيپاتتامىسىندا.
سونىمەن قاتار اقوردانىڭ ءباسپاسوز قىزمەتى پرەزيدەنتتىڭ جاقىندا بەرگەن سۇحباتىنان ءۇزىندى كەلتىردى.
"مەرزىمدى ءباسپاسوزدى ۇزبەي قارايمىن. بۇل – مەنىڭ بۇرىننان قالىپتاسقان داعدىم… جالپى، مەن كوپ وقيتىن اداممىن. جاقسى ماقالا نەمەسە سۇحبات كورسەم، استىن سىزىپ وقۋعا تىرىسامىن. وزەكتى ماسەلە بايقاسام، وعان قاتىستى ناقتى تاپسىرما بەرەمىن", - دەدى توقاەۆ 2022 جىلدىڭ 17 اقپانىندا بەرگەن سۇحباتىندا.
"ادىرنا" ۇلتتىق پورتالى