سوڭعى 26 جىلدا قازاقستاندا قىزمەتى بارىسىندا 800-گە جۋىق پوليتسەي كوز جۇمدى. بۇل تۋرالى قازاقپارات اگەنتتىگىنە قر ىشكى ىستەر مينيسترلىگىنەن حابارلادى.
«سوڭعى 26 جىلدىڭ ىشىندە ىشكى ىستەر ورگاندارىنىڭ 777 قىزمەتكەرى قىزمەتتىك مىندەتتەرىن وتەۋ كەزىندە، 73 وكىلى قىلمىسكەردى ۇستاۋ كەزىندە قازا بولدى»، - دەپ اتاپ وتىلگەن ءىىم-ءنىڭ رەسمي ساۋالعا بەرگەن جاۋابىندا. ۆەدومستۆونىڭ مالىمەتىنە قاراعاندا، اتالعان مەرزىمدە قىزمەتتىك مىندەتتەرىن وتەۋ كەزىندە 2 320 پوليتسيا قىزمەتكەرى جاراقات الدى. بۇدان بۇرىن حابارلانعانداي، 31 ناۋرىزدا قىزىلوردا وبلىسى جاڭاقورعان اۋدانىندا بولعان جول-كولىك وقيعاسى سالدارىنان ۋچاسكەلىك ينسپەكتور قايتىس بولدى. ناۋرىز ايىنىڭ باسىندا باتىس قازاقستان وبلىسىندا جول اپاتىنا ۇشىراعان پوليتسيا قىزمەتكەرى كوز جۇمدى. ال وتكەن جىلعى جەلتوقساندا پاۆلودار وبلىسىندا قىلمىسكەرلەردى ۇستاۋ بارىسىندا پوليتسيا لەيتانانتى جاراقاتتاندى.
______________________________________________________________________________________________________
inform.kz
