قازاقستان سبەربانكى MasterCard پەن Visa كارتالارى بويىنشا ءىشىنارا شەكتەۋلەر ەنگىزەدى، دەپ جازادى "ادىرنا" ۇلتتىق پورتالى.
Sputnik.kz حابارلاۋىنشا، "18 ناۋرىزدان باستاپ MasterCard, 20 ناۋرىزدا Visa كارتالارى بويىنشا ءىشىنارا شەكتەۋلەر ەنگىزىلەدى. اتاپ ايتقاندا، سبەر كارتالارىنان باسقا بانكتەردىڭ كارتاسىنا اقشا اۋدارۋ جاعىنان شەكتەۋ بولادى. باسقا بانكتەردىڭ بانكوماتتارىنان اقشا الىنبايدى. ال سبەربانك جەلىسىنىڭ ءوز ىشىندە بارلىعى سول كۇيىندە قالا بەرەدى", - دەپ مالىمدەدى بانك ماماندارى.
سبەربانكتىڭ بارلىق كارتاسى (Visa ي MasterCard) بويىنشا باسقا ەشقانداي شەكتەۋ بولمايدى. قازاقستان بويىنشا جانە بانكتىڭ ءوز ىشىندە ىستەي بەرەدى.
"سونداي-اق، بۇرىنعىداي سبەربانكتىڭ POS-تەرمينالدارى ارقىلى تولەم جاساي بەرۋگە بولادى. بانكوماتتاردا اقشا بەرىلەدى. Sber KZ ءموبيلدى قوسىمشاسىندا اۋدارىمدار مەن تولەمدەر جاسالادى", - دەيدى بانك قىزمەتكەرلەرى.
