بەلگىلى جۋرناليست، بۇرىنعى "اقجۇنىس" باعدارلاماسىنىڭ جۇرگىزۋشىسى، قوعام بەلسەندىسى ساۋلە ابىلداحانقىزى ءوز فەيسبۋك پاراقشاسىندا ايەلدەر پارتياسىن قۇراتىنىن حابارلادى. بۇل تۋرالى "ادىرنا" ۇلتتىق پورتالى جازادى.
- "اقجۇنىس" ايەلدەر پارتياسىن قۇرامىن!!! بارلىق قازاق ايەلدەرى، بىرىگىڭدەر!.. كىم جاڭا پارتيا زاڭگەرى بولعىسى كەلەدى، ءوز-وزىڭىزگە، بىلىكتىلىگىڭىزگە سەنىمدى بولساڭىز، حابارلاسىڭىز! 2-3 جىل بۇرىن قوعامدىق بىرلەستىگىمدى تىركەيتىن مەكەنجاي تاپپاي، قىرىق تۋىس، ءجۇز دوسقا جالىنىپ، "زيانىڭ تيەدى، بيلىك مەنىڭ سوڭىما ءتۇسىپ الادى، قورقامىن" دەپ، ەشكىم ءوز ۇيىنە تىركەگىسى كەلمەي، اقىرىندا قولىمدى ءبىر سىلتەپ قويعان ەدىم. ايەلدەر پارتياسىن پروپيسكاعا قوياتىن ادام تابىلا ما ەكەن؟..." دەپ جازدى ساۋلە ابىلداحانقىزى.
"ادىرنا" ۇلتتىق پورتالى
