بۇگىنگى قوعامدا “الەۋمەتتىك جەلىنى شەكتەيدى” دەگەن ۋ-شۋدىڭ شەتىن ەستىپ قالىپ، ءوز پىكىرىمدى قوسايىن دەپ شەشتىم.
الەۋمەتتىك جەلىنى بۇعاتتاۋعا، ءتىپتى شەكتەۋگە قارسىمىن. ءسوز بوستاندىعى مەن پىكىر الۋاندىعى دەگەن دەموكراتيانىڭ باستى سيمۆولى. الەۋمەتتىك جەلى كوپ ادامنىڭ كوزىن اشتى جانە اشىپ جاتىر دا. فەيسبۋك ارقىلى قوعام ءبىر-بىرىنە كومەكتەسىپ، قيىنشىلىقتا قول سوزىپ، قۋانىشى بولسا ءبولىسىپ جاتادى. سوندىقتان الەۋمەتتىك جەلىگە ءتيىسۋ - ءار ادامنىڭ جەكە ومىرىنە قول سۇعۋمەن تەڭ.
الايدا، ەگەر ينتەرنەتتىڭ زياندى سايتتارى مەن ومىرگە قاۋىپتى، راديكالدى، پورنو، ەكسترەميزم، قىلمىستىق سايتتاردى جاپسا، مەن تولىق قولدايمىن. ونداي سايتتار جاستاردىڭ ميىن ۋلاپ، جامان جولعا سالۋى ايدان انىق.
ەڭ دۇرىسى فەيسبۋك/ينستاگرامم/تيكتوك سياقتى ۇيىمداردىڭ فيليالدارىن اشۋ سياقتى. مىسالى، تۇركيا، فرانتسيا، گەرمانيا سياقتى ەلدەردە ايتىلعان الەۋمەتتىك جەلىلەردىڭ وكىلدەرى سول ستامبۋل، پاريج، بەرليندە ءوز كەڭسەلەرىن اشقان.
دۇرىسى سول. زاڭمەن. دەموكراتيانى شەكتەپەي. بولاشاق ۇرپاققا قيانات جاساماي دەگەندەي …
"ادىرنا" ۇلتتىق پورتالى
