2022 جىلدىڭ باسىنان بەرى 3 مىڭنان استام ەتنيكالىق قازاق قانداس مارتەبەسىن الدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى، - دەپ جازادى "ادىرنا".
«1 ساۋىردەگى جاعداي بويىنشا 3 078 ەتنيكالىق قازاق تاريحي وتانىنا ورالىپ، كانداس مارتەبەسىن الدى. 1991 جىلدان بەرى بارلىعى 1 90,1 ميلليون ەتنيكالىق قازاق رەسپۋبليكاعا ورالدى»، - دەلىنگەن حابارلامادا.
جىل باسىنان بەرى قازاقستانعا كەلگەن قانداستاردىڭ جارتىسىنان استامى (66,3 پايىزى) وزبەكستاننان، 11,3 پايىزى قىتايدان، 10,9 پايىزى تۇرىكمەنستاننان، 2,2 پايىزى موڭعوليادان جانە 9,3 پايىزى باسقا ەلدەردەن ورالعان.
وتانىنا ورالعان ەتنيكالىق قازاقتار:
الماتى وبلىسىندا (30,2 پايىز);
ماڭعىستاۋ وبلىسىندا (19 پايىز);
تۇركىستان وبلىسىندا (11,4 پايىز);
جامبىل وبلىسىندا (5,9 پايىز),
سونداي-اق الماتىدا (6,5 پايىز), نۇر-سۇلتاندا (7,1 پايىز) جانە شىمكەنتتە (7,6 پايىز).
1 ساۋىردەگى جاعداي بويىنشا ەڭبەككە قابىلەتتى جاستاعى ەتنيكالىق كوشىپ-قونۋشىلاردىڭ سانى 62,7 پايىزدى قۇراسا، 23,2 پايىزى ەڭبەككە جارامدى جاستان كىشى ادامدار جانە 14,1 پايىزى زەينەتكەرلەر.
ەڭبەككە جارامدى جاستاعى قانداستاردىڭ ءبىلىم دەڭگەيى بويىنشا 11,5 پايىزى جوعارى، 39,6 پايىزى ارناۋلى ورتا ءبىلىمدى، 47 پايىزى جالپى ورتا ءبىلىمدى، 1,8 پايىزى ءبىلىمى جوق.
ەسكە سالايىق، قازاقستاندا «ورالمان» ءسوزى «كانداس» تەرمينىمەن اۋىستىرىلدى. ءتيىستى زاڭعا پرەزيدەنت قاسىم-جومارت توقاەۆ قول قويدى.
"ادىرنا" ۇلتتىق پورتالى
