جاقىندا رەسەيدە Coca-Cola سۋسىنىنىڭ ورنىنا RuCola شىعارىلا باستايدى. “ناپيتكي يز چەرنوگولوۆكي - اكۆالايف” كومپانياسى روسپاتەنتكە تىركەۋگە ءوتىنىش تە بەرىپ قويعانىن جەتكىزدى، دەپ حابارلايدى “ادىرنا” ۇلتتىق پورتالى.
RuCoLa برەندىمەن گازدالعان سۋسىنداردى عانا ەمەس، شىرىندار مەن ليمونادتاردى، سونداي-اق، ايران ءارى تاعام ءوندىرىپ، ساتۋعا بولادى.
چەرنوگولوۆكا قازىردىڭ وزىندە كسرو كەزىندە Coca-Cola جانە ءPepsiدىڭ انالوگى رەتىندە جاسالعان «بايكال» سۋسىنى شىعارىلادى، دەيدى ماماندار.
قالالىق اقپارات اگەنتتىگى Coca-Cola كومپانياسى RuCoLa-نى تىركەۋگە جول بەرمەۋ ءۇشىن سوتقا شاعىم ءتۇسىرىپ قويعانىن جازدى.
وتكەن جىلى Coca-Cola ءوزىنىڭ Fantola برەندى ءۇشىن چەرنوگولوۆكانى سوتقا بەرگەن بولاتىن. امەريكاندىق كورپوراتسيا ساۋدا بەلگىسى ونىڭ “Fanta” سۋسىنىنا ۇقساس دەپ ەسەپتەدى. سوت تالاپ ارىزدى قاناعاتتاندىرمادى.
ناۋرىز ايىنىڭ باسىندا Coca-Cola رەسەيدەگى جۇمىسىن توقتاتاتىنىن حابارلاعان ەدى. سودان كەيىن ماسكەۋدەگى باس كەڭسە سۋسىنداردىڭ ساتىلا بەرەتىنىن ءتۇسىندىردى، بۇل تەك ماركەتينگ پەن جاڭا جوبالارعا ينۆەستيتسيانى توقتاتۋ تۋرالى ايتىلعان مالىمدەمە بولىپ شىقتى.
“ادىرنا” ۇلتتىق پورتالى
