جەزقازعان قالاسىندا وسى ولكەدەگى تاريحي-ارحەولوگيالىق مۋزەيىنىڭ 40 جىلدىق مەرەيتويىنا ارنالعان رەسپۋبليكالىق "كوكجيەگى كەمەل مۋزەيلەر" فەستيۆالىنىڭ سالتاناتتى اشىلۋى جانە "رۋحاني جاڭعىرۋ باعدارلاماسىن دامىتۋداعى مۋزەيلەردىڭ اتقاراتىن ءرولى" اتتى رەسپۋبليكالىق عىلىمي-تاجىريبەلىك كونفەرەنتسيا وتەدى، – دەپ حابارلايدى Adyrna ۇلتتىق پورتالى.
فەستيۆال 14 مامىر كۇنى ساع.11.00 دە مۋزەي الاڭىندا وتسە (الاشا حان، 22), كونفەرەنتسيا 15 مامىر ساع.09.30 دا (عارىشكەرلەر، 39) باستالادى.
مەرەيتوي قارساڭىندا جەزقازعان مۋزەيىنىڭ وتكەن 40 جىلدىق تاريحىن باياندايتىن وقيعالار تىزبەگىن ۇسىنامىز.
1978 جىل
- قازاق كسر مينيسترلەر كەڭەسىنىڭ 10 مامىرداعى 198-ر وكىمى بويىنشا جكبك تاريحي-وندىرىستىك مۋزەيىنىڭ نەگىزىندە وبلىستىق تاريحي ولكەتانۋ مۋزەيى اشىلدى. 14 ماۋسىمدا حالىق دەپۋتاتتارى جەزقازعان وبلىستىق كەڭەسى اتكومىنىڭ «وبلىستىق تاريحي- ولكەتانۋ مۋزەيىن اشۋ تۋرالى» №280-10 شەشىمى شىقتى. العاشقى ديرەكتورى – تانىمال ولكەتانۋشى س.ت. بۇكىروۆ. مۋزەي سۋۆوروۆ (گۋربا) كوشەسى بويىنداعى 25-ۇيدە ۋاقىتشا ورنالاستى.
1979 جىل
- تامىز ايىنداعى ەڭ العاشقى عىلىمي ەكسپەديتسيا سۇتەمگەن بۇكىروۆتىڭ جەتەكشىلىگىمەن تامعالىنۇراداعى تاس بەتىندەگى جازۋلاردى زەرتتەۋگە ارنالدى. عىلىمي ەكسپەديتسيا تامعالىنۇرادان تامعا بەلگىلەرى ويىلعان بىرنەشە تاستاردى اكەلدى.
1980 جىل
- 5 قاڭتارداعى قالاتكومىنىڭ №2-1 شەشىمىمەن كوسموناۆتار بۋلۆارى بويىنداعى 26-تۇرعىن ءۇيدىڭ تومەنگى قاباتى مۋزەيگە بەرىلدى.
- م.سەمبيننىڭ جەتەكشىلىگىمەن جانە تانىمال مادەنيەتتانۋشى م.اۋەزوۆتىڭ قاتىسۋىمەن رەسپۋبليكالىق ەسكەرتكىشتەردى قورعاۋ ورتالىق قازاقستان عىلىمي ەكسپەديتسياسى جوشىحان، الاشاحان، دومباۋىل، ەردەن، ماقات، جانسەيىت ەسكەرتكىشتەرىنىڭ ارحيتەكتۋراسىن، حان ورداسى قورعانىنىڭ قيراعان ورنىن، جاڭعابىل وزەنى ماڭىنداعى تاس مۇسىندەردى زەرتتەۋ جانە ولاردى پاسپورتتاۋ ءىسىن جۇرگىزدى. ەكسپەديتسياعا مۋزەي قىزمەتكەرلەرى ن.بۋحاروۆا، ش.تولەگەنوۆا قاتىستى.
1981 جىل
- قازاق كسر عا ورتالىق قازاقستان ارحەولوگيالىق ەكسپەديتسياسى جەزقازعان وبلىسىنداعى اسا ءىرى ءارى تۇنعىش ارحەولوگيالىق قازبا جۇمىسىن باستادى. ول اعادىر اۋدانىنداعى اتاسۋ وزەنىنىڭ جوعارى تۇسىنداعى قولا زامانىنداعى ەجەلگى كەن قازۋشىلار مەن مەتاللۋرگتەر قونىسىندا جۇرگىزىلدى. ەكسپەديتسيا قۇرامىندا مۋزەي قىزمەتكەرلەرى ە.ۋسمانوۆا مەن ش.تولەگەنوۆا بولدى. سونىڭ ناتيجەسىندە مۋزەي قورى قولا ءداۋىردى قۇيما قالدىعىمەن جانە شلاكتىڭ شاعىن كەسەكتەرىمەن تولىقتى.
1982 جىل
- مۋزەيدىڭ تۇنعىش ۋاقىتشا ەكسپوزيتسياسى اشىلدى. ول 3 بولىمنەن تۇردى: تابيعات، كەڭەستىك كەزەڭگە دەيىنگى تاريح جانە كەڭەستىك قوعام تاريحى.ەكسپوزيتسيا 1986 جىلعى قاڭتارعا دەيىن تۇردى.
- مۋزەيدە «ەح، راسكوپاەم!» اتتى جاس ارحەولوگتار ۇيىرمەسى اشىلدى. №22 ورتا مەكتەپتە اشىلعان وعان كەڭەستىك كەزەڭگە دەيىنگى ءبولىمنىڭ مەڭگەرۋشىسى ە.ر.ۋسمانوۆا جەتەكشىلىك ەتتى.
- 1982 مەن 1985 جىلدار ارالىعىندا مۋزەيدىڭ العاشقى ارحەولوگى ەمما ۋسمانوۆانىڭ باسقارۋىنداعى كەڭەستىك كەزەڭگە دەيىنگى تاريح ءبولىمى ۇلىتاۋ اۋدانىندا جەكە ارحەولوگيالىق زەرتتەۋدى جۇزەگە اسىردى. تاس عاسىرىنداعى سارىكەڭگىر، قاراكەڭگىر، باتىربۇلاق، سامال، قولا داىرىندەگى ءۇيتاس-ايدوس قونىستارىندا جۇرگىزىلدى.
1983 جىل
- حالىق دەپۋتاتتارى جەزقازعان قالالىق كەڭەسى اتكومىنىڭ 10 قازانىنداعى №228 شەشىمىمەن وبلىستىق مۋزەيگە لەنين داڭعىلى، 22 مەكەنجايىنداعى ەكى قاباتتى عيمارات بەرىلدى.
- مۋزەي ارحەولوگتارى ەمما ۋسمانوۆانىڭ جەتەكشىلىگىمەن دومباۋىل ەسكەرتكىشى ماڭىنداعى ءىح-ح ع.ع. قورعانىن قازدى، ول جەردەن قارۋ-جاراقتارمەن (قورامسا، نايزا، جەبە ۇشتارى) جەرلەنگەن جاۋىنگەردىڭ سۇيەگى تابىلادى.
- الماتى ق. قازمۋ زوومۋزەيىنەن ەكسپوناتتار اكەلىندى. ەڭ قۇندىسى قازاقستاننىڭ قىزىل كىتابىنا ەنگىزىلگەن ادەمى تىرنانىڭ تۇلىبى بولىپ تابىلادى.
- تابيعات ءبولىمىنىڭ قىزمەتكەرلەرى مەن «جاس ولكەتانۋشى» ۇيىرمەسى وقۋشىلارىنىڭ ەكسپەديتسياسى ۇلىتاۋ اۋدانىنا ۇيىمداستىرىلدى. ول جەردەن ەكسپوزيتسيا اشۋعا ارنالعان ءبىزدىڭ ايماقتىڭ جانۋارلار دۇنيەسى مەن وسىمدىك الەمى بويىنشا ماتەريالدار جينالدى.
1984 جىل
- ەمما ۋسمانوۆانىڭ جەتەكشەلىگىمەن ب.ز.د. ءحىىى- ءحىV ع.ع. مەجەلەگەن ءۇيتاس-ايدوس قونىسىنا قازبا جۇرگىزىلدى. نەوليت داۋىرىندەگى بىرەگەي جەرلەۋ، ماتەريالدىق مادەنيەتتىڭ 20 بۇيىمى تابىلدى. ولاردىڭ ىشىندە كەراميكالىق ىدىستار مەن تاس ەڭبەك قۇرالدارى بولدى.
1985 جىل
- قازكسر زوولوگيا ينستيتۋتىنىڭ عالىمدارى بيولوگيا عىلىمدارىنىڭ كانديداتى ب.بايشاشەۆتىڭ جەتەكشىلىگىمەن جايرەم ك. «دالنەزاپادنىي» كارەرىندە پالەونتولوگيالىق قازبالار جۇرگىزدى. ەجەلگى مۇيىزتۇمسىقتىڭ قاڭقاسى تابىلدى. ەكسپەديتسياعا تابيعات ءبولىمىنىڭ قىزمەتكەرلەرى ل.ۆ. بەرەزيكوۆا، ج. گولىح، ش.تولەگەنوۆا، ك.سەردالينوۆا قاتىستى.
- مۋزەيگە ات ابزەلدەرىنىڭ 6 بۇيىمنان تۇراتىن بىرەگەي كوللەكتسياسى كەلىپ ءتۇستى، سونداي-اق ايەلدەردىڭ بىرقاتار اشەكەي بۇيىمدارىمەن تولىقتى.
1986 جىل
- تابيعات ءبولىمىنىڭ زالى بەزەندىرىلدى جانە اشىلۋ ءراسىمى ءوتتى.
1988 جىل
- جىل سوڭىندا لەنين داڭعىلى، 22 مەكەنجايىنداعى عيماراتتى قايتا جاڭعىرتۋ جانە وعان كۇردەلى جوندەۋ جۇمىسى اياقتالدى. قۇرىلىس جۇمىستارىن «كازپروەكترەستاۆراتسيا» ينستيتۋتى جوبالىق-سمەتالىق قۇجاتقا سايكەس جۇرگىزدى. جوبادا 5 گا. اۋماقتى الارلىق كوگالدى الاڭ، اشىق ەكسپوزيتسيا مەن دەمالىس ورىندارىنا ارنالعان الاڭنىڭ قۇرىلىسى، اۆتوتۇراق پەن ارحيتەكتۋرانىڭ شاعىن ۇلگىدەگى قوندىرعىلارى كوزدەلەگەن ەدى. ي.ادىلبەكوۆ جەتەكشىلىك ەتكەن سۋرەتشىلەر بريگاداسى جۇمىس ىستەدى.
- جەلتوقسان ايىندا جاڭا ەكسپوزيتسيالار سالۋعا قاتىستى كوركەم-بەزەندىرۋ جۇمىستارى تولىقتاي اياقتالدى. ول جەزقازعان وبلىستىق مۋزەيىنىڭ تاقىرىپتىق-ەكسپوزيتسيالىق جوسپارىنا سايكەس 1986 جىلعى ماۋسىمدا باستاۋ تاپقان ەدى.
- 14 جەلتوقساندا وبلىستىق مۋزەي العاشقى كورەرمەندەرىن قابىلدادى.
1989 جىل
- قازكسر عا الماتى ەكسپەديتسيا وتريادى شوتقارا (ح-ءحىىى ع.ع.), اياققامىر، شايتانتاس توڭىرەگىندە قازبا جۇمىستارىن جۇرگىزدى، وعان مۋزەي قىزمەتكەرلەرى ش.تولەگەنوۆا، ن.ابىشەۆا قاتىستى. بۇل ەكسپەديتسيا ناتيجەسىندە قور بىرەگەي جادىگەرلەر: 2 التىن ىلگەشەكپەن جانە تەمىر پىشاقپەن تولىقتى. ولار مۋزەيدىڭ بۇل تۇرعىداعى ەڭ العاشقى تاۋىپ العان بۇيىمدارى سانالادى.
1990 جىل
- گۋلاگ جۇيەسىنىڭ 30-50 جىلدارداعى ساياسي قۋعىن-سۇرگىندەردىڭ تريحى بويىنشا ماتەريالدار جيناقتاۋ باستاۋ تاپتى.
- ۇلىتاۋ سەلوسى مەن جەزدى پوسەلكىسىنە ەتنوگرافيالىق ەكسپەديتسيا ۇيىمداستىرىلدى. ونىڭ ناتيجەسىندە قور ەتنوگرافيالىق سيپاتتاعى قولونەرىنىڭ 20 بۇيىمىمەن، اتاپ ايتقاندا، ورمەك جوڭعى، كيىز ءۇي اعاش بۇيىمدارىن جوناتىن وراق، تورسىق، ايبالتا ت.ب. تولىقتى. مۋزەي كوللەكتسياسى مۇسىلمانداردىڭ قاسيەتتى 3 كىتابى – قۇرانمەن تولىقتى.
- مۋزەيدە اقىن، «نەۆادا-سەمەي» قوزعالىسىنىڭ توراعاسى ولجاس سۇلەيمەنوۆ قوناق بولدى.
1991 جىل
- بۇل جىلى وڭىرىمىزدە تۇڭعىش رەت «وتىرار – ۇلىتاۋ» ارحەولوگيالىق-ەتنوگرافيالىق ەكسپەديتسياسى قۇرىلىپ، ول «كىشى جىبەك جولىمەن» ءجۇرىپ ءوتتى. ەكسپەديتسياعا ب.قوجاحمەتوۆ جەتەكشىلىك ەتتى. بۇل ەكسپەديتسيانىڭ جۇمىسىنا مۋزەي قىزمەتكەرلەرى بەلسەنە قاتىستى.
1992 جىل
- قازكسر عا جاڭا جاساقتالعان الماتى ەكسپەديتسياسىمەن بىرلەسكەن قازبا جۇمىستارى ءىح-ءحىى ع.ع. قالاشىعى باسقامىر مەن قولا زامانعى تالدىساي قونىسىندا باستاۋ تاپتى. جاسالعان شارتقا سايكەس ەكسپەديتسيا قۇرامىنا مۋزەي قىزمەتكەرلەرى ا.بورامباەۆا مەن ا.ءتاشىموۆا قاتىستى. مۋزەي قورىن كەراميكالىق، قولا بۇۇيىمدارى، تەمىر كەنى ءتارىزدى ءار ءتۇرلى 741 كەسەك بولشەك تولىقتىردى.
- مۋزەي قازاقتاردىڭ ءبىرىنشى قۇرىلتايىنا قاتىسۋشىلاردى جەزقازعان جەرىندە قارسى الۋعا بەلسەنە قاتىستى.
1993 جىل
- ارحەولوگيا ءبولىمى قۇرىلدى.
- مۋزەي «ەجەلگى جانە ورتا عاسىرداعى مادەنيەتتىڭ ءوزارا ىقپالىنىڭ ارحەولوگيالىق كۋاگەرلەرى» دەگەن اتپەن بۋكلەت شىعاردى.
- مۋزەيدە «بوبەك» قورىنىڭ توراعاسى سارا نازارباەۆا بولدى.
1994 جىل
- قاز كسر عا الماتى وتريادى جاڭاارقا اۋدانىنداعى قولا داۋىردەگى قونىس قارااعاشتا قازبا جۇمىستارىن جۇرگىزدى،ونىڭ قۇرامىندا مۋزەي قىزمەتكەرلەرى ا.بورامباەۆا بولدى.
1995 جىل
- مۋزەي ديرەكتورى ب.قوجاحمەتوۆ ابايدىڭ تۋعانىنا 150 جىل تولۋى قۇرمەتىنە ارنالعان جەزقازعان – سەمەي – جيدەباي باعىتى بويىنشا «ۇلىلىققا تاعزىم» اتتى ەتنوگرافيالىق ەكسپەديتسياعا قاتىستى
1996 جىل
- جەزقازعاندا العاش رەت قر عا ارحەولوگيا مۋزەيىنىڭ قورىنان الىنعان شامامەن ب.ز.د. V-ىVع.ع. ەڭ قۇندى جادىگەر «التىن ادامنىڭ» قاتىسۋىمەن «ەجەلگى دالا قۇپيالارى اتتى» اتتى ارحەولوگيالىق كورمەسى ۇيىمداستىرىلدى.
- كورمەگە التىن بۇيىمدار، باس كيىم جانە قارۋ-جاراقتار قويىلدى.
1997 جىل
- جەزقازعان وبلىستىق تاريحي-ولكەتانۋ مۋزەيى جەزقازعان تاريحي-ارحەولوگيالىق بولىپ اتالدى.
- ءو.بايقوڭىروۆ اتىنداعى جەزقازعان ۋنيۆەرسيتەتىنىڭ جارالىستانۋ- گەوگرافيا فاكۋلتەتىندە جەزقازعان تاريحي-ارحەولوگيالىق مۋزەيىنىڭ فيليالى اشىلدى.
1998 جىل
- 27 قازاندا قر پرەمەر-ءمينيسترى ن.بالعىنباەۆتىڭ «التاي – دۋناي» حالىقارالىق ارحەولوگيالىق-ەتنوگرافيالىق ەكسپەديتسياسىن وتكىزۋ تۋرالى وكىمى شىقتى.
1999 جىل
- «التاي – دۋناي» ەكسپەديتسياسى ءبىرىنشى كەزەڭىن قازاقستان جانە رەسەي بويىندا ءجۇرىپ ءوتتى.
- ارحەولوگ ز.س.ساماشەۆ باسشىلىعىمەن ورتاعاسىرلىق سارايشىق قالاشىعىندا ارحەولوگيالىق جۇمىستار اتقارعان باتىس قازاقستان ارحەولوگيالىق ەكسپەديتسياسىنا مۋزەي قىزمەتكەرى گ.جولاشاروۆا قاتىستى.
2000 جىل
- «التاي-دۋناي» ەكسپەديتسياسىنىڭ ەكىنشى كەزەڭ ساپارى جالعاستى.
- مۋزەي تۇركىستاننىڭ 1500 جىلدىعىنىڭ مەرەكەلىك شارالارىنا قاتىستى.
مۋزەي تۇركىستاننىڭ 1500 جىلدىعىنىڭ مەرەكەلىك شارالارىنا قاتىستى.
2001 جىل
- «التاي-دۋناي» ەكسپەديتسياسىنىڭ ءىىى كەزەڭى كارتساگ قالاسىندا (ۆەنگريا) اياقتالدى.
- وقاە قۇرامىندا تەرەكتى اۋليە مەكەنىندە مۋزەي قىزمەتكەرلەرى ا.بورانباەۆا، گ.جولاشاروۆا، ب.قوجاحمەتوۆ جانە گ.يبراەۆا فرانتسۋز تەحنولوگياسى بويىنشا زەرتتەۋ جۇمىستارىن جۇرگىزدى.
- ارحەولوگ ەمما ۋسمانوۆانىڭ جەتەكشىلىگىندە ليساكوۆسك قالاسىنا جاقىن ماڭداعى قولا داۋىردەگى قونىسقا ارحەولوگيالىق جۇمىس جۇرگىزگەن سولتۇستىك قازاقستان ارحەولوگيالىق ەكسپەديتسياعا مۋزەي قىزمەتكەرى گ. جولاشاروۆا قاتىستى.
2002 جىل
- وقاە قۇرامىندا بولوني قالاسىنداعى ازيا جانە افريكا يتالياندىق ۋنيۆەرسيتەتىنىڭ عالىم-ارحەولوگتارىنىڭ قاتىسۋىمەن جالعاسقان تالدىساي سالاسىنا جۇرگىزىلگەن ارحەولوگيالىق قازبا جۇمىستارىنا مۋزەي قىزمەتكەرلەرى گ.جولاشاروۆا، د. بايتىلەۋ، ا.يسكاكوۆ قاتىستى.
- ۇلىتاۋ اۋدانىنا جانە قىزىلوردا – تۇركىستان – وتىرار –شىمكەنت – تاراز – بالقاش باعىتى بويىنشا ەتنوگرافيالىق ەكسپەديتسيا ۇيىمداستىرىلدى.
2004 جىل
- ارحەولوگ ج.قۇمانقۇلوۆتىڭ جەتەكشىلىگىمەن قىزىلوردا وبلىسىنداعى ساق زامانىنىڭ شىرىك-رابات قورعانىندا ارحەولوگيالىق جۇمىس جۇرگىزگەن وڭتۇستىك قازاقستان ارحەولوگيالىق ەكسپەديتسياسىنىڭ قۇرامىندا مۋزەي قىزمەتكەرى ا.يسكاكوۆ قاتىستى.
- مۋزەي قالا مادەنيەتىن دامىتۋعا قوسقان زور ۇلەسى ءۇشىن قالالىق مادەنيەت ءبولىمىنىڭ قۇرمەتتى «التىن كىتابىنا» ەنگىزىلدى.
2006 جىل
- مۋزەيدىڭ 2-قاباتىندا «تاريح – ءبىزدىڭ اسىل قازىنامىز» اتتى جاڭا ەكسپوزيتسيالىق زال اشىلدى.
- مۋزەيدىڭ 2-قاباتىندا كونفەرەنتس-زال اشىلدى.
- مەملەكەت تۇتاستىعى مەن حالىقتار بىرلىگى مونۋمەنتىنىڭ ماكەتى قويىلدى.
- «ۇلىتاۋ تاۋى ەتەگى»، «سارىسۋ وزەنى جاعالاۋى» ديورامالارىنا دىبىستى ەكسكۋرسيانىڭ جاڭا ءتۇرى – جاندى دىبىستا بايانداۋ ەنگىزىلدى.
- ابىلايحان، ق.قاسىموۆ،س.سەيفۋللين، يۋ.لەۆيتان ءتارىزدى تاريحي تۇلعالاردىڭ داۋىسى بەرىلگەن ديورامدا مۋزىكالىق سۇيەمەلدەۋمەن ۇندەستىك تاپتى.
- ەكسكۋرسيا جۇرگىزۋشىلەردىڭ ەكى جىلدىق مەكتەبىنىڭ العاشقى وقۋعا قابىلداۋى جارنامالاندى.
- تاريحي جانە قاسيەتتى ورىندار الاشاحان، جوشىحان، دومباۋىل مازارلارى، تەرەكتى اۋليە، باسقامىر، تالدىساي باعىتى بويىنشا ەكسكۋرسيالىق باعىت ازىرلەندى.
- رەسپۋبليكامىزدا العاش رەت «جەزقازعان قاجىلارى» اتتى كورمە اشىلدى. ونىڭ اشىلۋ راسىمىنە باس ءمۇفتي ءابساتتار قاجى دەربىسالى قاتىستى.
2007 جىل
- جەزقازعان تاريحي-ارحەولوگيالىق مۋزەيى «ارحەولوگيا. ەتنوگرافيا. ەسكەرتكىشتەر»، «جەزقازعان تاريحي-ارحەولوگيالىق مۋزەيى» اتپەن سەريالى كىتاپشالاردى شىعاردى.
- مۋزەيدە قازاقستان رەسپۋبليكاسىنداعى ۇلىبريتانيا ەلشىسى پول براممەل بولدى.
- 20 جەلتوقساندا قالا كۇنى قارساڭىندا «قالانىڭ كۇرمەتتى ازاماتتارى» ەكسپوزيتسياسى اشىلدى.
2008 جىل
- سۋرەتشى-رەستاۆراتور، قازاقستان سۋرەتشىلەر وداعىنىڭ مۇشەسى، مادەنيەت قايراتكەرى ە.يساتاەۆ كۋۆەيتتەگى قازاقستان مادەنيەتىنىڭ كۇندەرى اياسىندا اشىلعان حالىقارالىق قول ونەرى كورمەسىنە قاتىستى.
- وبسە وكىلدەرى مەن قازاقستان رەسپۋبليكاسىنداعى ەلشىلەرى مۋزەيدە قوناقتا بولدى.
- جەڭىس كۇنى قارساڭىندا «سوعىس جولدارىمەن» رەەكسپوزيتسياسى اشىلدى.
2009 جىل
- مۋزەي قىزمەتكەرلەرى ۇوس ارداگەرلەرى تۋرالى «جۇرەك جاراسى»، «اۋعان سوعىسىنىڭ تاريحى تۋرالى «اۋعان وتى شارپىعان» كىتاپتارىن ازىرلەدى جانە باسىپ شىعاردى.
2010 جىل
- س.قوجامقۇلوۆ اتىنداعى اتىنداعى جەزقازعان مۋزىكالىق دراما تەاترى تاريحىنىڭ زال-مۋزەيى ەكسپوزيتسيالارىن جوبالاۋ جانە بەزەندىرۋ جۇمىستارىن ورىندادى. جۇمىس بارىسىندا 2000-نان استام ەكسپونات جيناقتالدى جانە سۇرىپتالدى، تاريحي جانە كوركەمدىك تۇعىرناماعا لايىقتى ارناۋلى مۋزەيلىك جوبالار ازىرلەندى. ەكسپوزيتسيالار جاساقتاۋدىڭ باستاۋ تابۋىنان اياقتالۋىنا دەيىنگى بارلىق كەزەڭ بارىسىن جوسپارلاۋداعى باستى ماقسات تەاتردىڭ تۇتاستاي 38 جىل تاريحىن كورسەتۋ بولدى.
2011 جىل
- وقاە قۇرامىندا نوگەربەك داراسى (ۇلىتاۋ اۋدانى) قالاشىعىن زەرتتەۋگە مۋزەي قىزمەتكەرى ب.بالتابەكوۆ قاتىستى.
- «ابىلاي حان – قازاق مەملەكەتتىگى ەگەمەندىگىنىڭ سيمۆولى» اتپەن ابىلاي بولعان جەرلەر بويىنشا ايماقتىق تاريحي-ەتنوگرافيالىق ەكسپەديتسيانىڭ قۇرامىندا مۋزەي قىزمەتكەرى س.راحمەتوۆ قازاقستاننىڭ 4 وبلىسى مەن 10 قالاسىندا بولدى. ەكسپەديتسيا بارىسىندا 2000-نان استام فوتوسۋرەت ءتۇسىرىلىپ، اسا كوپ بەينەماتەريالدار ازىرلەندى.
- جاڭا مۋزەي قۇرىلىمدارى: مۋزەي شەبەرلىگى مەكتەبى، ءسان تەاترى، «امانات» مۋزەي تەاتر-ستۋدياسى، «اق اجەلەر» فولكلورلىق-ەتنوگرافيالىق ءانسامبلى اشىلدى.
- مۋزەي مەدينينالىق كوللەدجدىڭ 50 جىلدىعى قۇرمەتىنە ارنالعان «مەيرىمدىلىككە باۋلىعان» كىتابىن شىعاردى.
2012 جىل
- قالالىق 6 باعىت: «جەزقازعان – قازاقستاننىڭ مىس ءىنجۋ-مارجانى»، «ءجۇز ۇلتتىڭ قالاسى»، «ۇلكەن جەزقازعان جانە ساتباەۆ»، «قازاقستاننىڭ جۇلدىزدى جولى»، «سول ءبىر ۇلى جىلدارعا تاعزىم ەتەمىز»، «جەزقازعاننىڭ ادەبيەت بولمىسى» ازىرلەندى.
- بريتان كەڭەسى ۇيىمداستىرعان « مۋزەيلەردى جاڭعىرتۋ» جانە «قازاقستان مۋزەيلەرى» ۆەب-سايت جوبالارىنىڭ ەكىنشى كەزەڭى تۇساۋ كەسەرىنە قازاقستان جازۋشىلار وداعىنىڭ مۇشەسى، مۋزەي ديرەكتورى ز.چۋماكوۆا قاتىستى.
- مۋزەي ديرەكتورى ز.س.چۋماكوۆا يۋنەسكو (يكوم) ۇيىمداستىرعان «استانا – تۇرىك الەمى مادەنيەتىنىڭ استاناسى» حالىقارالىق فورۋمىنا قاتىستى.
- قازاقستان سۋرەتشىلەر وداعىنىڭ مۇشەسى، ەكسپوزيتسيا ءبولىمىنىڭ سۋرەتشى-رەستاۆراتورى ە.يساتاەۆ ومان رەسپۋبليكاسىندا وتكەن «ماسكات» قول ونەر شەبەرلەرىنىڭ جىل سايىنعى حالىقارالىق فەستيۆالىنە قاتىستى.
- مۋزەيدىڭ ۆەب-سايتى اشىلدى.
2013 جىل
- 30 شىلدەدە مۋزەيدىڭ 35 جىلدىق مەرەيتويى اياسىندا «مۋزەي: قازاقستاننىڭ ۇلتتىق تاريحىن زەردەلەۋدەگى جاڭا ادىستەر» اتتى عىلىمي-تاجىريبەلىك كونفەرەنتسيا ءوتتى.
- قر ديزاينەرلەر وداعى مۇشەسى، جەزقازعاندىق ۆ. حلەبوۆ جاساعان «ساقتار قازىناسى» اتتى ەكسپوزيتسيالىق كەشەندە VII-VIII ع.ع. قازاقستان جەرىندە تابىلعان ساق-سكيف اڭدار ستيلىندە جاسالعان التىن اشەكەيلەردىڭ 8 كوشىرمەسى مۋزەي فويەسىنەن ورىن الدى.
- قازاقستان سپورتىنىڭ ماقتانىشى، قازاقتان شىققان العاشقى وليمپيادا چەمپيونى، كسرو-نىڭ ەكى دۇركىن چەمپيونى جاقسىلىق ۇشكەمپىروۆپەن مۋزەيدە كەزدەسۋ ءوتتى.
- قىزمەتكەرلەردىڭ كاسىپتىك دەڭگەيىن جوعارىلاتۋ جانە ەكسكۋرسيا جۇرگىزۋ ءادىسىن جەتە مەڭگەرۋ ماقساتىندا 2 جىلدىق «مۋزەيلىك شەبەرلىككە باۋلۋ مەكتەبى» ءوز جۇمىسىن جالعاستىردى.
2014 جىل
- 27 قاڭتار-27 اقپان ارالىعىندا مۋزەي جەزقازعان قالاسىنىڭ 60 جىلدىق مەرەيتويى اياسىندا قالانىڭ ورتا جانە ارنايى وقۋ ورىندارىنىڭ وقۋشىلارىنا ارنالعان «جەزقازعان – مەنىڭ تاعدىرىم» اتتى كورمە ۇيىمداستىردى.
- ءساۋىر ايىندا مۋزەي كەدەندىك وداق پەن تمد مۇشەلەرى – رەسەي فەدەراتسياسى، ۋكراينا، قازاقستان رەسپۋبليكاسى، بەلارۋس رەسپۋبليكاسى جانە ءازىربايجان رەسپۋبليكالارىن قامتىعان جالپىمەملەكەتتىك ۇلتتىق رەيتينگ-باعدارلاماسى بويىنشا التىن مەدالمەن جانە «سالا كوشباسشىسى – 2014» ۇلتتىق سەرتيفيكاتىمەن ماراپاتتالدى.
- قر ۇلتتىق مۋزەيىنىڭ اشىلۋى مەن «مادەني مۇرا» مەملەكەتتىك باعدارلاماسىنىڭ 10-جىلدىعىنا ارنالعان قر ۇلتتىق مۋزەيىنىڭ «ۇلتتىق مۇرا» اتتى ءبىرىنشى اۆتوشەرۋ مۇشەلەرىن قارسى الۋ ءىس-شاراسى اياسىندا «مۇراتى بيىك مۋزەي» اتتى كورمە ۇيىمداستىرىلدى.
- «تاۋ تۇلعالى تارلان». مۋزەي جەزقازعان قالاسىنىڭ، ۇلىتاۋ جانە اقتوعاي اۋداندارىنىڭ قۇرمەتتى ازاماتى، ۇوس ارداگەرى ق.ماكەنباەۆقا ارنالعان مەموريالدى تاقتانى 11 جىل ديرەكتورى بولعان مۋزەيدىڭ كورمە زالىنىڭ قابىرعاسىنا ورناتۋ ءىس-شاراسىن ۇيىمداستىردى.
2015 جىل
- 7 تامىزدا قازاق حاندىعىنىڭ 550 جىل مەرەيتويى اياسىندا جەزقازعان تاريحي-ارحەولوگيالىق مۋزەيىندە قازاق حاندىعى ەكسپوزيتسياسىنىڭ جانە «بۇلانتى شايقاسى» ديوراماسىنىڭ اشىلۋى ءوتتى.
- جەزقازعان قالاسىنىڭ اكىمى ب.احمەتوۆ 6 اي عارىشتا بولعان جەزقازعان قالاسىنىڭ گەربىسى بەلگىلەنگەن باننەردى مۋزەي قورىنا تاپسىردى.
- مۋزەيدىڭ قور بولىمىنە «ۆپك نپو ماشينوستروەنيا» اق جەزقازعان قالالىق وكىلدىگىنىڭ باسشىسى س.شيانوۆ قۇرامىندا سەرگەي ۆولكوۆ، ايدىن ايىمبەتوۆ، اندرەاس موگەنسەن بولعان «سويۋز تما-18 م» عارىشتىق كەمەسى ليۋگىنىڭ فراگمەنتىن تابىس ەتتى.
- ۇلى جەڭىستىڭ 70-جىلدىعى اياسىندا مۋزەي قورىنداعى جەزقازعان ءوڭىرىنىڭ ۇوس 32 قاتىسۋشىلارىنىڭ 300-گە جۋىق قۇندى ءارى سيرەك كەزدەسەتىن قۇجاتتارى مەن فوتوسۋرەتتەرى قويىلعان كورمە ءوتتى.
2016 جىل
- 14 قازاندا جەزقازعان تاريحي-ارحەولوگيالىق مۋزەيىنىڭ كورمە زالىندا «جەزقازعان – عارىش ايلاعى» اتتى قازاقستان رەسپۋبليكاسى تاۋەلسىزدىگىنە 25 جىل، قازاقتىڭ تۇڭعىش عارىشكەرى ت.اۋباكىروۆتىڭ عارىشقا ۇشقان ساپارىنا 25 جىل تولۋى جانە يۋ.گاگاريننىڭ عارىشقا ساپارىنا 55 جىل تولۋى اياسىندا ۇيىمداستىرىلعان تۇراقتى ەكسپوزيتسيا كورسەتىلگەن عارىش تاريحىنا ارنالعان زالدىڭ اشىلۋى ءوتتى.
- 9 جەلتوقساندا جەزقازعان تاريحي-ارحەولوگيالىق مۋزەيىنىڭ كورمە زالىندا قازاقستان رەسپۋبليكاسى تاۋەلسىزدىگىنە 25 جىل تولۋىنا وراي شىعۋىنا مۋزەي مۇرىندىق بولعان «كوپۇلتتى جەزقازعان: 25 جەتىستىك تاريحى» اتتى كىتابىنىڭ تۇساۋكەسەرى ءوتتى.
- ەتنوگراف، جازۋشى، مادەنيەتتانۋشى، قوعام قايراتكەرى، اتى اڭىزعا اينالعان باۋىرجان مومىشۇلىنىڭ كەلىنى – زەينەپ احمەتوۆامەن كەزدەسۋ ءوتتى.
- ۇلتتىق مۋزەي ەلدىڭ بارلىق ايماقتارىنداعى مۋزەيلەردىڭ بەدەلىن كوتەرۋ جانە شىعارماشىلىق پەن يننوۆاتسيالىق باستامالارىن قولداۋ ماقساتىندا قر تاۋەلسىزدىگىنىڭ 25 جىلدىق مەرەيتويى اياسىندا قازاقستاندا العاش رەت مۋزەيلەر اراسىندا «ەڭ ۇزدىك مۋزەي» اتتى رەسپۋبليكالىق بايقاۋدى وتكىزدى. وسى بايقاۋدا «ۇزدىك مەملەكەتتىك مۋزەي (اۋداندىق (قالالىق) دارەجەدەگى)» نوميناتسياسىن جەزقازعان تاريحي-ارحەولوگيالىق مۋزەيى جەڭىپ الدى.
2017 جىل
- 17 ناۋرىزدا ۇلىستىڭ ۇلى كۇنى – ناۋرىز مەرەكەسى قارساڭىندا جەزقازعان تاريحي-ارحەولوگيالىق مۋزەيىندە مەملەكەتتىك دەڭگەيدە باستالعان #جاقسىلىق جاسا اتتى حالىقتىق جوباسىنىڭ اياسىندا «تۇساۋكەسەر» اتتى مۋزەيلىك ءىس-شارا ءوتتى. جوبادا جەزقازعان قالاسىنىڭ «بالالار ۇيىندە» تاربيەلەنىپ جاتقان كىشكەنتاي بوبەكتەردىڭ تۇساۋى كەسىلدى.
- 16 مامىردا جەزقازعان تاريحي-ارحەولوگيالىق مۋزەيىنىڭ كورمە زالىندا ححVII «ۇلىتاۋ ءۇنى» ايماقتىق فەستيۆالىنىڭ اياسىندا «ەل نازارى ەكسپو-دا» اتتى ەكسپو-2017 حالىقارالىق كورمەسىنە ارنالعان قولونەر شەبەرلەرىنىڭ قالالىق كونكۋرس-كورمەسى ءوتتى.
- 17 مامىردا جەزقازعان تاريحي-ارحەولوگيالىق مۋزەيىندە 18 مامىر – حالىقارالىق مۋزەيلەر مەرەكەسى قارساڭىندا مۋزەي قورىن قۇندى ءارى سيرەك كەزدەسەتىن جادىگەرلەرمەن تولىقتىرۋ ماقساتىندا ۇيىمداستىرىلعان «تاريحتا ءوز اتىڭدى قالدىر» اتتى اكتسياسى ءوتتى.
- 10 قاراشادا جەزقازعان تاريحي-ارحەولوگيالىق مۋزەيىندە «مۋزەيلىك كەزدەسۋلەر: التىن قور» جوباسى اياسىندا قازاق كسر جانە كسرو حالىق ءارتيسى ءاسانالى اشىموۆپەن كەزدەسۋ ءوتتى.
- 14 جەلتوقساندا جەزقازعان تاريحي-ارحەولوگيالىق مۋزەيىندە مەملەكەت باسشىسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا، قر تاۋەلسىزدىك كۇنى مەرەكەسىنە وراي «ازات رۋحتىڭ جارشىسى – كەتبۇقا» اتتى ەكسپوزيتسياسىنىڭ اشىلۋ سالتاناتى ءوتتى.
- استانا قالاسىندا وتكەن حالىقارالىق «ەكسپو-2017» كورمەسىندە قاراعاندى وبلىسىنىڭ قۇرامىندا بەلسەندىلىك تانىتقانى ءۇشىن مۋزەي ۇجىمى وبلىس اكىمى ە.قوشانوۆتىڭ العىس حاتىمەن ماراپاتتالدى.
2018 جىل
- 15 اقپاندا جەزقازعان تاريحي-ارحەولوگيالىق مۋزەيىندە «مۋزەيلىك كەزدەسۋلەر: التىن قور» جوباسى اياسىندا اقىن، قازاقستان جازۋشىلار وداعى باسقارماسى توراعاسىنىڭ ءبىرىنشى ورىنباسارى، قۇرمەت وردەنىنىڭ، رەسەي حالىقارالىق جازۋشىلار ۇيىمىنىڭ س.ەسەنين اتىنداعى التىن مەدالىنىڭ، «ەرەن ەڭبەگى ءۇشىن»، «تاۋەلسىزدىككە 10 جىل» مەدالدارىنىڭ يەگەرى، حالىقارالىق «الاش» ادەبي سىيلىعىنىڭ لاۋرەاتى عالىم جايلىبايمەن «ارقانىڭ اردا تۋعان ازاماتى» اتتى كەزدەسۋ ءوتتى.
- 23 اقپاندا جەزقازعان تاريحي-ارحەولوگيالىق مۋزەيىنىڭ كورمە زالىندا استانا قالاسىنىڭ 20 جىلدىق مەرەيتويىنا ارنالعان، «بولاشاققا باعدار: رۋحاني جاڭعىرۋ» باعدارلامالىق ماقالاسى مەن ححVIII ايماقتىق «ۇلىتاۋ ءۇنى» فەستيۆالىنىڭ اياسىندا «ارۋ قالام – استانام» اتتى قولونەر شەبەرلەرىنىڭ قالالىق كونكۋرس-كورمەسى ءوتتى.
- مامىر ايىندا جەزقازعان تاريحي-ارحەولوگيالىق مۋزەيى 40 جىلدىق مەرەيتويى اياسىندا مۋزەي تاريحىندا تۇڭعىش رەت رەسپۋبليكالىق «كوكجيەگى كەمەل مۋزەيلەر» مۋزەيلەر فەستيۆالىن، «تاريحتا ءوز اتىڭدى قالدىر» اكتسياسىن، «رۋحاني جاڭعىرۋ» باعدارلاماسىن ىسكە اسىرۋداعى مۋزەيلەردىڭ اتقاراتىن ءرولى» رەسپۋبليكالىق عىلىمي-تاجىريبەلىك كونفەرەنتسياسىن، «شەبەرلەر مەكەنى» كورمە-جارمەڭكەسىن وتكىزدى.
"ادىرنا" ۇلتتىق پورتالى
